swarna boddula
ఆలయాని(Temple )కి వెళ్లిన ప్రతి భక్తుడు(People) దేవుని దర్శనం(Darshan ) తర్వాత కొంత సేపు ఆలయ ప్రాంగణంలో కూర్చునే ఆనవాయితీ పాటిస్తుంటారు. ఇది సాధారణంగా కనిపించే విషయం అయినా, దీని వెనుక లోతైన అర్థం, శాస్త్రీయ కారణం ఉంది.
మన జీవితంలో మంచి జరిగినప్పుడు దేవుడికి కృతజ్ఞతలు చెప్పేందుకు ఆలయానికి వెళ్తాము. చెడు జరిగితే మనశ్శాంతి కోసం దేవుడి శరణు వెతుకుతాం. ఇలా, ఏ సందర్భమైనా మన ఆంతరాత్మ నిత్యం దైవాన్ని ఆశ్రయిస్తుంది. కానీ చాలామందికి తెలియని విషయం ఏమిటంటే, దేవుడిని దర్శించిన వెంటనే బయటకు రావడం కంటే కొంత సేపు అక్కడే కూర్చోవడం మన ఆరోగ్యం, మానసిక శాంతికి ఎంతో మేలు చేస్తుంది.
హిందూ ధర్మశాస్త్రాల ప్రకారం, ఆలయ ప్రాంగణంలో సానుకూల శక్తి విరివిగా ఉంటుంది. దేవాలయ నిర్మాణ శైలి, ప్రతిష్ఠించిన విగ్రహం, మంత్రోచ్ఛారణలు, ధూప దీప నైవేద్యాలు ఇవన్నీ కలిసి అక్కడ పాజిటివ్ ఎనర్జీని పెంచుతాయి. దేవుని దర్శనంతో మనకు ఒక రకమైన ఆధ్యాత్మిక అనుభూతి కలుగుతుంది. అదే సమయంలో అక్కడే కొంతసేపు శాంతంగా కూర్చుని మౌనంగా ఆ ఆత్మానుభూతిని ఆస్వాదించడం వల్ల మనలోని ఆందోళనలు తొలగిపోతాయి.
ఈ సమయం మన కోసం, మన మనస్సుకు ఇచ్చే విరామ సమయం అన్నమాట. ఈ సమయంలో మనం శ్వాసపై దృష్టి పెట్టి, దేవుడిని స్మరించాలి. అలా మనస్సులో దేవుడిని స్మరించడం వల్ల మానసిక ప్రశాంతత ఏర్పడుతుంది. ఒత్తిడి, కోపం, నిరాశ వంటి నెగటివ్ భావాలు తగ్గిపోతాయి. శాస్త్రప్రకారం, ఈ సానుకూల శక్తి మన శరీరానికి, మనసుకు శక్తిని నింపుతుంది.
ఇది కేవలం భక్తి పరంగా కాదు, శాస్త్రీయంగా కూడ ఆమోదించదగిన విషయమే. ఆలయంలో కొంత సమయం గడపడం వల్ల మనలో ధైర్యం, స్థైర్యం, చిత్తశుద్ధి పెరుగుతాయని పరిశోధనలు చెబుతున్నాయి. అందుకే పూర్వికులు దర్శనం అనంతరం ఆలయంలో కొంతసేపు కూర్చోమంటారు.
కాబట్టి, మీరు ఆలయానికి వెళ్లినప్పుడు దేవుడిని దర్శించుకొని వెంటనే బయటకు రాకుండా, కొంత సమయం ఆలయంలో శాంతంగా కూర్చోవడం అలవాటు చేసుకోండి. ఇది మీ మనోభావాలను సుస్థిరపరచడంలో, శక్తిని నింపడంలో ఎంతో ఉపయోగకరంగా ఉంటుంది.
Desk
admin
