admin
తెలంగాణ అసెంబ్లీ బడ్జెట్ సమావేశాలు ప్రారంభమయ్యాయి. ఉభయసభలను ఉద్దేశించి గవర్నర్ జిష్ణుదేవ్ వర్మ (Telangana Governor Speech) ప్రసంగిస్తున్నారు. ఈ సందర్భంగా ఆయన మాట్లాడుతూ.. సామాజిక న్యాయం, అభివృద్ధికి ప్రభుత్వం కట్టుబడి ఉందని తెలిపారు. అభివృద్ధి, ప్రగతి వైపు తెలంగాణ అడుగులు వేస్తోందని వెల్లడించారు. వరి రైతులకు రూ.500 చొప్పున బోనస్‌ ఇస్తున్నామని పునరుద్ఘాటించారు.
Hon’ble Governor is addressing the 5th Session of the Third Telangana Legislative Assembly, Day 1. తెలంగాణ శాసనసభ సమావేశాలు: ఉభయ సభలను ఉద్దేశించి గౌరవ గవర్నర్ గారి ప్రసంగం. https://t.co/9HxjDq6VKh
— Telangana CMO (@TelanganaCMO) March 12, 2025
రాష్ట్రానికి రైతులే ఆత్మ
“రైతుల కోసం వ్యవసాయ కమిషన్ ఏర్పాటు చేశాం. గేమ్‌ ఛేంజర్‌గా మహాలక్ష్మి పథకం (Mahalakshmi Scheme Telangana) అమలు చేస్తున్నాం. మహిళలకు ఉచిత బస్సు ప్రయాణం కల్పిస్తున్నాం. రాష్ట్రానికి రైతులే ఆత్మ.. వారి అభివృద్ధికి కృషి చేస్తున్నాం. ప్రజల కోసం నిరంతరం శ్రమించే వాళ్లే అన్నదాతలు. రాష్ట్ర అభివృద్ధిలో రైతుల భాగస్వామ్యం ఉంది. రైతులకు మద్దతివ్వడం.. వారిని శక్తిమంతులుగా తీర్చిదిద్దడమే మా బాధ్యత.” అని గవర్నర్ పేర్కొన్నారు.
రైతుల పట్ల చిత్తశుద్ధి
దేశంలోనే అత్యధికంగా ధాన్యం పండిస్తున్న రాష్ట్రం తెలంగాణ అని గవర్నర్ తెలిపారు. రైతులకు రుణమాఫీ (Loan Waiver) చేశామని.. ఇదే రైతుల పట్ల తమ ప్రభుత్వ చిత్తశుద్ధికి నిదర్శనం అని పేర్కొన్నారు. 25.35 లక్షల మంది కర్షకులకు ప్రయోజనం కల్పించామన్న ఆయన.. ఎకరానికి రూ.12 వేలు చొప్పువ రైతులకు అందిస్తున్నామని చెప్పారు. రైతు నేస్తం అమలు చేస్తున్నామని వెల్లడిస్తూ గవర్నర్ తన ప్రసంగాన్ని ముగించారు. అనంతరం శాసనసభ రేపటికి వాయిదా పడింది
Desk
swarna boddula
