admin
మలయాళంలో ‘దృశ్యం(Drishyam)’ ఫ్రాంచైజీకి ఫుల్ క్రేజ్ ఉన్న సంగతి తెలిసిందే. ఇప్పటివరకూ ఈ ఫ్రాంచైజీలో వచ్చిన రెండు సినిమాలూ సూపర్ హిట్‌గా నిలిచాయి. ఈ ఫ్రాంచైజీ ఇతర భాషల్లోనూ రీమేక్‌(Remake) అయ్యి.. ప్రతి భాషలోనూ గ్రాండ్ సక్సెస్ సాధించింది. దీంతోనే దేశవ్యాప్తంగా ‘దృశ్యం ఫ్రాంచైజీ’ ఓ సెన్సేషన్‌ క్రియేట్ చేసింది. ఈ క్రెడిట్‌ పూర్తిగా దర్శకుడు జీతూ జోసఫ్‌(Director Jeethu Joseph)కే దక్కుతుంది. ప్రస్తుతం జీతూ ‘దృశ్యం 3’ తెరకెక్కించే పనిలో ఉన్నారు. అయితే ఈ సినిమా కూడా ఇతర భాషల్లో రీమేక్‌ అవ్వడం ఖాయం అని అందరూ అనుకుంటున్న తరుణంలో స్టార్ హీరో మోహన్ లాల్(Mohan Lal) చెక్ పెట్టారు.
రూ.500 కోట్ల టార్గెట్‌
‘దృశ్యం 3’ని రీమేక్‌ చేయాలని చూస్తున్న ఇతర భాషలకు చెందిన మేకర్లందరి ఉత్సాహానికీ హీరో మోహన్‌లాల్‌(Mohan Lal) అడ్డుకట్ట వేశారు. మలయాళంలో రూపొందుతున్న ‘దృశ్యం 3’ ఈ దఫా పాన్ ఇండియా(Pan India) స్థాయిలో విడుదల కానుంది. అన్ని భాషల్లోనూ ఇక హీరో మోహన్‌లాలే. దర్శకుడు జీతూ జోసఫ్పే. మలయాళంలో వందకోట్లు, హిందీ(Hindi)లో రెండొందల కోట్లు, ఇతర భాషలన్నీ కలిసి ఓ రెండొందల కోట్లు.. ఇలా దాదాపు రూ.500 కోట్లకు టార్గెట్‌ పెట్టారట హీరో మోహన్‌లాల్‌. కాగా తెలుగు వర్షెన్ దృశ్యం, దృశ్యం-2 సినిమాల్లో విక్టరీ వెంకటేశ్(Venkatesh), మీనా(Meena) ప్రధాన పాత్రల్లో నటించిన విషయం తెలిసిందే.
swarna boddula
Desk
