adminMana Enadu:’గుల్లెడు గుల్లెడు గులాబీలు గుప్పె పిల్లడే.. ఇంక నాతో ఉంటడే…. నా పైట కొంగు పాడుగానూ నిన్నే కోరెనే.. నీకు గులామైతిలే’ అంటూ మంగ్లీ తన మ్యాజిక్ వాయిస్ తో పాడుతుంటే.. మాస్ కా దాస్ విశ్వక్ సేన్ అదిరిపోయే స్టెప్పులతో అలరిస్తుంటే.. మీనాక్షీ చౌదరి తన అందమైన గ్రేస్ తో ఆడిపాడుతుంటే.. చూడ్డానికి రెండు కళ్లు చాలవు కదూ. విశ్వక్సేన్ టైటిల్ రోల్లో నటిస్తున్న చిత్రం మెకానిక్ రాకీలో తాజాగా రిలీజ్ అయిన గుల్లెడు గుల్లెడు సాంగ్ లిరికల్ వీడియో చూస్తుంటే అచ్చం అలాగే అనిపిస్తోంది.
రవితేజ ముళ్లపూడి తెరకెక్కిస్తున్న మెకానిక్ రాకీ మ్యూజికల్ ప్రమోషన్స్లో భాగంగా మాన్సూన్ మ్యూజిక్ ప్లే లిస్టు నుంచి గుల్లెడు గుల్లెడు సాంగ్ లిరికల్ వీడియోను విడుదల చేశారు. జేక్స్ బిజోయ్ సంగీత దర్శకత్వంలో మంగ్లీ పాడిన ఈ పాట అదిరిపోయింది. విడుదలైన క్షణాల్లోనే ఈ పాటకు తెగ లైకులు వచ్చేశాయి. ఈ చిత్రాన్ని దీపావళి కానుకగా అక్టోబర్ 31న గ్రాండ్గా విడుదల చేస్తున్నారు. ఈ మూవీని ఎస్ఆర్టీ ఎంటర్టైన్మెంట్స్ బ్యానర్పై రామ్ తల్లూరి నిర్మిస్తున్నారు.
swarna boddula
Desk
