adminManaEnadu:తెలంగాణలో గ్రూప్-1 పరీక్ష రాసే అభ్యర్థులకు అలర్ట్. గ్రూప్-1 మెయిన్స్ పరీక్షా సమయాల్లో మార్పు చోటుచేసుకుంది. అక్టోబర్ 21వ తేదీ నుంచి 27వ తేదీ వరకు జరగాల్సిన ఈ పరీక్ష సమయంలో టీజీపీఎస్సీ మార్పు చేసింది. గతంలో నిర్ణయించిన సమయం కన్నా అరగంట ముందుగానే నిర్వహించనున్నట్లు తాజాగా ప్రకటన విడుదల చేసింది.
తొలుత ప్రకటించిన షెడ్యూల్ ప్రకారం.. నిర్ణీత తేదీల్లో మధ్యాహ్నం 2.30 గంటల నుంచి సాయంత్రం 5.30 గంటల వరకు ఈ పరీక్ష నిర్వహించాల్సి ఉంది. అయితే తాజాగా ఆ సమయాన్ని మధ్యాహ్నం 2 గంటల నుంచి సాయంత్రం 5 గంటలకు మార్పు చేసినట్లు ప్రకటించింది.
గ్రూప్-1 మెయిన్స్ ప‌రీక్ష‌ల షెడ్యూల్ ఇదే :
జ‌న‌ర‌ల్ ఇంగ్లీష్‌(క్వాలిఫ‌యింగ్ టెస్ట్) – అక్టోబర్ 21
పేప‌ర్ 1(జ‌న‌ర‌ల్ ఎస్సే) – అక్టోబర్ 22
పేప‌ర్ 2(హిస్ట‌రీ, క‌ల్చ‌ర్ అండ్ జియోగ్ర‌ఫీ) – అక్టోబర్ 23
పేప‌ర్ 2 (ఇండియ‌న్ సొసైటీ, రాజ్యాంగం అండ్ గ‌వ‌ర్నెన్స్‌) – అక్టోబర్ 24
పేప‌ర్ 4(ఎకాన‌మి అండ్ డెవ‌ల‌ప్‌మెంట్) – అక్టోబర్ 25
పేప‌ర్ 5(సైన్స్ అండ్ టెక్నాల‌జీ అండ్ డాటా ఇంట‌ర్‌ప్రిటేష‌న్) – అక్టోబర్ 26
పేప‌ర్ 6(తెలంగాణ మూవ్‌మెంట్ అండ్ స్టేట్ ఫార్మేష‌న్) – అక్టోబర్ 27
రాష్ట్రంలో 563 గ్రూప్ 1 ఉద్యోగాల భర్తీకి జూన్‌ 9న నిర్వహించిన ప్రిలిమ్స్‌ పరీక్ష ఫలితాలను ఇటీవల విడుదల చేసింది. గ్రూప్ 1 పరీక్షకు రాష్ట్ర వ్యాప్తంగా 4.03 లక్షల మందికి పైగా దరఖాస్తు చేసుకోగా.. ప్రిలిమ్స్‌ పరీక్షకు 3.02 లక్షల మంది అభ్యర్థులు హాజరయ్యారు. గత నెలలో విడుదలైన ప్రిలిమ్స్‌ ఫలితాల్లో 31వేల మందికి పైగా అభ్యర్థులు మెయిన్స్ పరీక్షకు అర్హత సాధించారు.
Desk
swarna boddula
