Desk
మలయాళ నటుడు, దసరా మూవీ విలన్ షైన్ టామ్ చాకో (Shine Tom Chacko) కుటుంబం రోడ్డు ప్రమాదానికి గురైంది. తమిళనాడులో శుక్రవారం ఉదయం ఈ ప్రమాదం జరిగింది. ఈ ఘటనలో షైన్ టామ్ చాకో తండ్రి మృతి చెందినట్లు సమాచారం. ప్రమాద సమయంలో కారులో నటుడితోపాటు, ఆయన తల్లి, సోదరుడు కూడా ఉన్నారు. వారితోపాటు డ్రైవర్కు కూడా తీవ్ర గాయాలు కావడంతో అందరిని స్థానిక ఆస్పత్రికి తరలించారు.
ఆగి ఉన్న లారీని ఢీకొట్టి..
ప్రత్యక్ష సాక్షులు, పోలీసులు తెలిపిన వివరాల ప్రకారం.. చాకో కుటుంబం ఎర్నాకులం నుంచి బెంగళూరుకు కారులో ప్రయాణిస్తుండగా, తమిళనాడులోని ధర్మపురి జిల్లా పాలకోట్టై సమీపంలో ఉదయం 7 గంటల ప్రాంతంలో వారు ప్రయాణిస్తున్న కారు ప్రమాదానికి గురైంది. పాలకొట్టై సమీపంలో ఆగి ఉన్న లారీని కారు ఢీకొట్టింది. ఈ ప్రమాదంలో చాకో తండ్రి మృతి చెందినట్లు స్థానికులు పేర్కొన్నారు. చాకో కుడి చేతికి గాయం అయ్యింది. ప్రస్తుతం వారు చికిత్స పొందుతున్నారు. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు.
admin
swarna boddula
