admin
బాలీవుడ్ స్టార్ వరుణ్‌ ధావన్‌ (Varun Dhawan), టాలీవుడ్ బ్యూటీ సమంత (Samantha) జంటగా నటించిన యాక్షన్ థ్రిల్లింగ్‌ వెబ్‌ సిరీస్‌ ‘సిటడెల్: హనీ-బన్నీ’ ప్రియాంక చోప్రా, రిచర్డ్‌ మ్యాడెన్‌ నటించిన వెబ్‌ సిరీస్‌కి ఇండియన్‌ వెర్షన్‌గా ఇది రూపొందింది. దీని పార్ట్‌ 2 కోసం ప్రేక్షకులు ఆసక్తిగా ఎదురుచూస్తున్న తరుణంలో అమెజాన్ ప్రైమ్ వీడియో ఈ సిరీస్‌ అభిమానులకు బ్యాడ్‌ న్యూస్ చెప్పింది. సిటడెల్ సీజన్2ను రద్దు చేస్తున్నట్లు ప్రకటించింది.
సమంతకు బిగ్ షాక్
ప్రియాంక నటించిన సిటడెల్ ఆధారంగానే ఇండియన్‌ వెర్షన్‌, ఇటాలియన్‌ వెర్షన్‌లు (Citadel: Diana) రూపొందిన విషయం తెలిసిందే. తాజాగా ఈ రెండింటి కొనసాగింపులను రద్దు చేస్తున్నట్లు అమెజాన్ ప్రకటించింది. బదులుగా వీటిని మాతృకలో విలీనం చేయనున్నట్లు తెలిపింది. ‘‘సిటడెల్: హనీ-బన్నీ (Citadel Honey Bunny), సిటడెల్: డయానా తదుపరి సీజన్లను నిలిపివేసి.. వాటి కొనసాగింపు కథలను మాతృకలో విలీనం చేస్తున్నట్లు వెల్లడించింది.
సిటడెల్ సీజన్-2 రద్దు
“సిటడెల్ సిరీస్‌ అన్ని భాషల్లో సూపర్ రెస్పాన్స్ అందుకుంది. మంచి సక్సెస్ చూసింది. ఇదో ఎమోషనల్ జర్నీ. మాతృకను మరింత గొప్పగా తెరకెక్కించే ప్రయత్నం చేస్తున్నాం. అందులో భాగంగానే ఈ రెండు ప్రాజెక్టులను రద్దు చేస్తున్నాం.’’ అని అమెజాన్ ప్రైమ్ ప్రతినిధులు తెలిపారు. ఇక ప్రియాంక (Priyanka Chopra) నటిస్తోన్న ‘సిటడెల్ పార్ట్‌-2 (Citadel Part 2)’ 2026లో విడుదల చేయనున్నట్లు వెల్లడించారు.
swarna boddula
Desk
