admin
Mana Enadu : కజకిస్థాన్ (Kazakhstan)లో ఘోర విమాన ప్రమాదం జరిగింది. అజర్బైజాన్ ఎయిర్లైన్స్కు (Azerbaijan Airlines) చెందిన ఓ ప్రయాణికుల విమానం అక్టౌ సమీపంలో కుప్పకూలిపోయింది. అజర్బైజాన్లోని బాకు నుంచి బయల్దేరిన ప్రయాణికుల విమానం రష్యా రిపబ్లిక్ చెచెన్యా రాజధాని గ్రోజ్నీ వైపు వెళ్తుండగా ప్రమాదానికి గురైంది(Kazakhstan plane crash). ప్రమాద సమయంలో విమానంలో 72 మంది ఉన్నారని, వారిలో 67 మంది ప్రయాణికులు ఐదుగురు సిబ్బంది ఉన్నట్లు కజకిస్తాన్ అధికారులు వెల్లడించారు. 50 మందికి పైగా మంటల్లో కాలిపోయి చనిపోయినట్లు సమాచారం.
ఎమర్జెన్సీ లాండింగ్కు ప్రయత్నిస్తూ..
అజైర్బైజాన్లోని బాకు నుంచి రష్యాలోని గ్రోజ్నీకి బయల్దేరిన ఈ విమానాన్ని దట్టమైన మంచు కారణంగా దారి మళ్లించారు. ఈ క్రమంలోనే కజకిస్తాన్లోని అక్టౌ ఎయిర్పోర్ట్లో ఎమర్జెన్సీ ల్యాండింగ్కు ప్రయత్నిస్తుండగా ప్రమాదవశాత్తూ కూలిపోయింది. ఈ ప్రమాదానికి ముందు ఎయిర్పోర్ట్పైన విమానం గిరగిరా తిరుగుతూ నేల కూలింది. దాంతో భారీగా మంటలు చెలరేగాయి. ఈ ఘటనకు సంబంధించిన వీడియోలు సోషల్ మీడియాలో చక్కర్లు కొడుతున్నాయి.
BREAKING: Azerbaijan Airlines flight traveling from Baku to Grozny crashes in Aktau, Kazakhstan, after reportedly requesting an emergency landing pic.twitter.com/hB5toqEFe2
— RT (@RT_com) December 25, 2024
Desk
swarna boddula
