ఫ్యాన్స్​కు గుడ్ న్యూస్.. బాలయ్య బర్త్ డే రోజు స్వీట్ సర్ ప్రైజ్

నందమూరి బాలకృష్ణ (Balakrishna).. డైరెక్టర్ గోపీచంద్‌ మలినేని (Gopichand Malineni) కాంబోలో వీరసింహారెడ్డి అనే చిత్రం వచ్చిన విషయం తెలిసిందే. ఈ మూవీ బ్లాక్ బస్టర్ హిట్ గా నిలిచింది. ఈ కాంబోలో మరో ఫిల్మ్ వస్తే బాగుంటుందని బాలయ్య అభిమానులు భావించారు. అయితే వారి కోరిక మేరకు ఇప్పుడు ఈ కాంబో రిపీట్ కానుంది. బాలయ్య, గోపిచంద్ కలిసి మరో సినిమా చేయబోతున్న విషయం తెలిసిందే.

బాలయ్య బర్త్ డే సర్ ప్రైజ్

ఈ సినిమా గురించి తాజాగా డైరెక్టర్ గోపీచంద్‌ ఓ ఇంటర్వ్యూలో మాట్లాడారు. బాలయ్యతో తాను చేయబోయే రెండో సినిమా కూడా ఫుల్ ఆన్ యాక్షన్ చిత్రంగా రాబోతుందని చెప్పారు.  ప్రస్తుతం ఈ సినిమా స్క్రిప్ట్‌ పనులు వేగంగా జరుగుతున్నాయని తెలిపారు. ఇక ఈ సినిమా గురించి ఓ క్రేజీ అప్డేట్ షేర్ చేశారు గోపీచంద్. బాలకృష్ణ పుట్టినరోజు (Balakrishna Birth Day) సందర్భంగా జూన్‌ 10వ తేదీన ఈ సినిమాను ప్రారంభించనున్నామని గోపీచంద్ బాలయ్య అభిమానులకు సర్ ప్రైజ్ ఇచ్చారు.

అఖండ తర్వాత ఆ సినిమాయే

ఈ విషయం తెలిసి బాలయ్య అభిమానులు ఫుల్ ఖుష్ అవుతున్నారు. తమ అభిమాన హీరో నుంచి మరో పవర్ ఫుల్ యాక్షన్ సినిమా రాబోతోందని సంబుర పడుతున్నారు. ఇక బాలకృష్ణ ప్రస్తుతం బోయపాటి శ్రీనివాస్ (Boyapati Srinu) దర్శకత్వంలో ‘అఖండ 2: తాండవం’ (Akhanda 2) చేస్తున్న విషయం తెలిసిందే. ఈ సినిమా పూర్తయిన వెంటనే బాలయ్య గోపించద్ మూవీ కోసం రంగంలోకి దిగనున్నారు. ఈ ప్రాజెక్ట్‌ను మరో నిర్మాణ సంస్థతో కలిసి వృద్ధి సినిమాస్‌ నిర్మించనుంది.