admin
భారతీయ సంస్కృతి, వారసత్వానికి మరోసారి చరిత్రాత్మక గుర్తింపు లభించింది. భగవద్గీత (Bhagavad Gita), భరతముని రచించిన నాట్యశాస్త్రానికి యునెస్కో (UNESCO) గుర్తింపు దక్కింది. యునెస్కో మెమరీ ఆఫ్‌ వరల్డ్‌ రిజిస్టర్‌లో ఈ రెండింటికి చోటు లభించింది. ఈ విషయాన్ని కేంద్ర సాంస్కృతిక, పర్యాటక శాఖ మంత్రి గజేంద్ర సింగ్ షెకావత్ ‘ఎక్స్’ వేదికగా తెలిపారు. ఇది ప్రతి భారతీయుడు గర్వించదగిన విషయం అంటూ దీనిపై ప్రధాని నరేంద్ర మోదీ (PM Modi) హర్షం వ్యక్తం చేశారు.
A historic moment for Bharat’s civilisational heritage!
The Shrimad Bhagavad Gita & Bharat Muni’s Natyashastra are now inscribed in UNESCO’s Memory of the World Register.
This global honour celebrates India’s eternal wisdom & artistic genius.
These timeless works are more than… pic.twitter.com/Zeaio8OXEB
— Gajendra Singh Shekhawat (@gssjodhpur) April 18, 2025
భారతీయ జ్ఞానసంపదకు గౌరవం
భారతీయ జ్ఞాన సంపద, కళాత్మక ప్రతిభను యావత్ ప్రపంచం గౌరవిస్తోందని కేంద్ర మంత్రి గజేంద్ర సింగ్ షెకావత్ (Gajendra Singh Shekhawat) తన ఎక్స్ ఖాతాలో పోస్టు చేశారు. ఈ రచనలు మన దేశంపై ప్రపంచ దృక్పథానికి, మన జీవన విధానానికి పునాదులని పేర్కొన్నారు. ఇప్పటివరకు భారతదేశం నుంచి 14 శాసనాలు.. యునెస్కో రిజిస్టర్‌లో చోటు దక్కించుకున్నాయని వెల్లడించారు.
A proud moment for every Indian across the world!
The inclusion of the Gita and Natyashastra in UNESCO’s Memory of the World Register is a global recognition of our timeless wisdom and rich culture.
The Gita and Natyashastra have nurtured civilisation, and consciousness for… https://t.co/ZPutb5heUT
— Narendra Modi (@narendramodi) April 18, 2025
మనం గర్వించదగ్గ విషయం
ఇక దీనిపై ప్రధాని మోదీ (PM Modi) స్పందిస్తూ.. ఇది ప్రపంచవ్యాప్తంగా ఉన్న ప్రతి భారతీయుడు గర్వించదగ్గ విషయం అని పేర్కొన్నారు. గీత, నాట్యశాస్త్రాన్ని యునెస్కో రిజిస్టర్‌లో చేర్చడం.. మన జ్ఞాన సంపద, సంస్కృతికి లభించిన ఘనమైన గుర్తింపు అని వ్యాఖ్యానించారు. వేల సంవత్సరాల నుంచి భారతీయ నాగరికత, ప్రజల్లో భగవద్గీత చైతన్యాన్ని పెంపొందించిందని తెలిపారు. ప్రపంచానికి స్ఫూర్తినిస్తూనే ఉన్నాయని వెల్లడించారు. భగవద్గీతకు యునెస్కో గుర్తింపు లభించడం పట్ల ప్రధాని మోదీ సంతోషం వ్యక్తం చేశారు.
Desk
