admin
పవర్ స్టార్ పవన్ కల్యాణ్ హీరో ఓవైపు ఏపీ డిప్యూటీ సీఎంగా ప్రజాసేవలో బిజీబిజీగా ఉన్న విషయం తెలిసిందే. మరోవైపు ఆయన చేతిలో ప్రస్తుతం మూడు సినిమాలున్నాయి. ఈ నేపథ్యంలో తాజాగా పవర్ స్టార్ పవన్ కల్యాణ్ నటిస్తున్న ప్రతిష్ఠాత్మక చిత్రం హరిహర వీరమల్లు (Hari Hara Veera Mallu) నుంచి క్రేజీ అప్డేట్ వచ్చింది. తాజాగా ఈ సినిమా నుంచి విలన్ పాత్రకు సంబంధించిన అప్డేట్ షేర్ చేసుకుంది చిత్రబృందం.
బాబీ దియోల్ ఫస్ట్ లుక్
హరిహర వీరమల్లు సినిమాలో విలన్ గా బాలీవుడ్ నటుడు బాబీ దియోల్ (Bobby Deol) నటిస్తున్నాడు. ఇవాళ ఆయన పుట్టిన రోజు సందర్భంగా ఈ సినిమా నుంచి బాబీ దియోల్ పాత్రకు సంబంధించిన పోస్టర్ ను షేర్ చేశారు. ఈ పోస్టర్ లో బాబీ.. రాజుల కాలం నాటి వేషధారణలో చేతిలో కత్తితో కనిపించారు. ఈ పోస్టర్ ప్రస్తుతం సోషల్ మీడియాలో బాగా వైరల్ అవుతోంది. ఇక హరిహర వీరమల్లు పీరియాడిక్ బ్యాక్డ్రాప్లో వస్తున్న ఈ సినిమా రెండు భాగాలుగా రాబోతున్న విషయం తెలిసిందే.
Wishing the incomparable, the man of magnetic screen presence @thedeol a very Happy Birthday! – Team #HariHaraVeeraMallu ⚔️#HBDBobbyDeol 🔥
Power star 🌟 @PawanKalyan @AMRathnamOfl @AnupamPKher @AgerwalNidhhi @amjothikrishna @mmkeeravaani @ADayakarRao2 @Manojdft… pic.twitter.com/frklEumhjM
— Hari Hara Veera Mallu (@HHVMFilm) January 27, 2025
పవన్ పాట అదుర్స్
ఈ సినిమాను 2025 మార్చి 28వ తేదీన ప్రేక్షకుల ముందుకు తీసుకురాబోతున్నట్లు చిత్రబృందం ఇప్పటికే ప్రకటించింది. ఇప్పటికే ఈ సినిమా నుంచి పవన్ కల్యాణ్ పాడిన ఫస్ట్ సింగిల్ ‘మాట వినాలి’ అనే పాటను రిలీజ్ చేసిన విషయం తెలిసిందే. జ్యోతి కృష్ణ (Jyothi Krishna) ఈ సినిమాకు దర్శకత్వం వహిస్తున్నారు.
స్వార్ట్ వర్సెస్ స్పిరిట్
రెండు భాగాలుగా వస్తున్న ఈ చిత్రం మొదటి పార్ట్ ‘హరిహర వీరమల్లు పార్ట్: స్వార్డ్ వర్సెస్ స్పిరిట్ (Hari Hara Veera Mallu Sword Vs Spirit)’ పేరుతో ప్రేక్షకుల రాబోతోంది. ఈ సినిమాలో నిధి అగర్వాల్ హీరోయిన్ గా నటిస్తోంది. బాబీ దియోల్ తో పాటు బాలీవుడ్ నటుడు అర్జున్ రాంపాల్, నర్గీస్ ఫక్రీ, కీలక పాత్రలు పోషిస్తున్నారు. లెజెండరీ మ్యూజిక్ డైరెక్టర్ ఎంఎం కీరవాణి ఈ చిత్రానికి మ్యూజిక్, బ్యాక్ గ్రౌండ్ స్కోర్ అందిస్తున్నారు.
swarna boddula
Desk
