admin
పాన్ ఇండియా స్టార్ ప్రభాస్ (Prabhas) చేతిలో ప్రస్తుతం ఎనిమిది ప్రాజెక్టులు ఉన్నాయి. ఇందులో మారుతి దర్శకత్వంలో వస్తున్న ది రాజాసాబ్, హను రాఘవపూడితో చేస్తున్న సినిమాలపై ప్రస్తుతం డార్లింగ్ ఫోకస్ పెట్టాడు. ఈ రెండు చిత్రాల తర్వాత రెబల్ స్టార్ సందీప్ రెడ్డి వంగ (Sandeep Reddy Vanga) దర్శకత్వంలో స్పిరిట్ చేయనున్నాడు. ఇప్పటికే ఈ సినిమా స్క్రిప్టు పనులు పూర్తయినట్లు సమాచారం. ఉగాది పర్వదినాన ఈ మూవీ పూజా కార్యక్రమం నిర్వహించనున్నట్లు టాలీవుడ్ వర్గాల్లో టాక్ వినిపిస్తోంది. అయితే ప్రస్తుతం స్పిరిట్ కు సంబంధించి సోషల్ మీడియాలో ఓ క్రేజీ బజ్ వైరల్ అవుతోంది.
స్పిరిట్ మూవీ లేటెస్ట్ బజ్
స్పిరిట్ (Spirit Movie) సినిమాను సందీప్ రెడ్డి వంగా పాన్ ఇండియా రేంజులో తెరకెక్కిస్తున్న విషయం తెలిసిందే. ఈ నేపథ్యంలో నార్త్ మార్కెట్ కోసం హిందీ స్టార్లను ఈ సినిమాలో భాగం చేయాలని భావిస్తున్నాడట. ఇందులో భాగంగానే ఈ సినిమాలో ఓ కీలక పాత్ర కోసం బాలీవుడ్ స్టార్ నటుడిని సంప్రదించాడు. ఆ స్టార్ హీరో ఈ చిత్రంలో ప్రభాస్ కు అన్నగా నటించనున్నట్లు ఇప్పుడు న్యూస్ వైరల్ అవుతోంది. ఇంతకీ ఆ స్టార్ ఎవరో కాదు.. ఇప్పటికే కేజీయఫ్ (KGF), డబుల్ ఇస్మార్ట్ వంటి సినిమాలతో టాలీవుడ్ తెరపై విలనిజం చూపించిన సంజయ్ దత్.
ప్రభాస్ అన్నగా బాలీవుడ్ స్టార్
స్పిరిట్ సినిమాలో సంజయ్ దత్ Sanjya Dutt) ఓ కీలక పాత్రలో కనిపించనున్నాడట. ఇందులో డార్లింగ్ కు అన్నగా నటించనున్నట్లు సమాచారం. సంజయ్ దత్ కాకుండా ఇంకా పలు ఇండస్ట్రీలకు చెందిన కీలక నటులు ఈ ప్రాజెక్టులో భాగం కానున్నట్లు టాక్ వినిపిస్తోంది. దీనిపై అధికారిక ప్రకటన రావాల్సి ఉంది. ఇక ఈ మూవీలో ప్రభాస్ పవర్ ఫుల్ పోలీసు పాత్రలో నటించనున్నట్లు ఇప్పటికే డైరెక్టర్ సందీప్ పలుమార్లు చెప్పిన విషయం తెలిసిందే. ప్రభాస్ తన సినిమా కెరీర్ లో పోలీసుగా నటించడం ఇదే తొలిసారి. అందుకే ఈ సినిమాపై భారీ అంచనాలు నెలకొన్నాయి.
swarna boddula
Desk
