‘విశ్వంభర’ నుంచి అదిరిపోయే అప్డేట్.. వింటేజ్ ‘చిరు’ని చూస్తారు

మెగాస్టార్ చిరంజీవి (Chiranjeevi) సెకండ్ ఇన్నింగ్స్ జోరుగా సాగుతోంది. ప్రస్తుతం చిరు.. ‘బింబిసార (Bimbisara)’ ఫేమ్ విశిష్టతో ఓ సినిమా చేస్తున్న విషయం తెలిసిందే. ‘విశ్వంభర (Vishwambhara)’ పేరుతో రానున్న ఈ సోషియో ఫాంటసీ చిత్రానికి సంబంధించి విడుదలైన టీజర్ ఇప్పటికే ప్రేక్షకులకు ఈ సినిమాపై హైప్ క్రియేట్ చేసింది. తాజాగా ఈ మూవీ గురించి సోషల్ మీడియాలో ఓ న్యూస్ వైరల్ అవుతోంది. అదేంటంటే?

600 మందితో చిరు స్టెప్పులు

ప్రస్తుతం హైదరాబాద్​లో శరవేగంగా ఈ మూవీ షూటింగ్ జరుగుతోంది. అయితే ఈ షెడ్యూల్ లో చిరంజీవితో ఓ సాంగ్ (Vishwambhara Song) ను షూట్ చేయనున్నారట. ఇందుకోసం ఓ భారీ సెట్ ను డిజైన్ చేస్తున్నారట.  600 మంది డ్యాన్సర్లతో చిరు ఈ పాటకు స్టెప్పులు వెయ్యనున్నట్లు సినీ వర్గాల్లో టాక్ వినిపిస్తోంది. శోభా మాస్టర్ ఈ సాంగ్ కు కొరియోగ్రఫీ చేస్తున్నాట్లు తెలిసింది.

వింటేజ్ చిరు విల్ బీ బ్యాక్

ఇక ఈ పాటలో చిరంజీవి డ్యాన్స్ సినిమాకే హైలైట్ గా నిలవనుందట. మెగాస్టార్ అంటేనే డ్యాన్సుకు పెట్టింది పేరు. ఆయన గ్రేస్ చూస్తే ఎవ్వరైనా ఫిదా అవ్వాల్సిందే. అలాంటిది ఏకంగా 600 మంది డ్యాన్సర్లతో కలిసి చిరు స్టెప్పేస్తే.. ఆ ఊహే ఒక రేంజులో ఉంది. ఈ పాటలో వింటేజ్ చిరు డ్యాన్స్ చూస్తామంటూ నెట్టింట ఇప్పుడు చర్చ నడుస్తోంది. ఇక ఈ సాంగ్​ షూట్​ తర్వాతే సినిమా మిగతా షెడ్యూల్​ను కంప్లీట్ చేయనున్నారట.

సోషియో ఫాంటసీగా విశ్వంభర