Mana Enadu : పట్టుదల, కఠిన దీక్ష ఉంటే ఎవ్వరైనా ఏదైనా సాధించొచ్చు అన్న పాయింట్ తో తెరకెక్కుతోంది దీక్ష సినిమా. కిరణ్ కుమార్, అలేఖ్య రెడ్డి జంటగా నటిస్తున్న ఈ సినిమాను ప్రముఖ దర్శక నిర్మాత, తెలంగాణ ఫిలిం ఛాంబర్ అధ్యక్షుడు ప్రతాని రామకృష్ణగౌడ్ తెరకెక్కిస్తున్నారు. పినిశెట్టి అశోక్ కుమార్, ఆర్ కే గౌడ్ నిర్మాతలుగా వ్యవహరిస్తున్న ఈ సినిమాను ఆర్.కె. ఫిలింస్‌, స్నిగ్ధ క్రియేషన్స్‌ బ్యానర్స్‌పై రూపొందిస్తున్నారు.
దీక్ష సినిమాలో అక్సా ఖాన్
తాజాగా ఈ సినిమాకు సంబంధించి జరిగిన ఓ ఈవెంట్ లో మూవీ అప్డేట్స్ ను షేర్ చేశారు దర్శక నిర్మాత ఆర్ కే గౌడ్. ఈ సినిమాలో ఢీ ఫేమ్ అక్సా కాన్ స్పెషల్ సాంగ్ లో నటిస్తోందని ఆర్కే గౌడ్ తెలిపారు. అక్సా ఖాన్ డ్యాన్సర్ గా మంచి గుర్తింపు తెచ్చుకోవడంతో పాటు పలు సినిమాలకు అసిస్టెంట్ కొరియోగ్రాఫర్ గా కూడా పని చేసిన అనుభవం ఉందని చెప్పారు. ఆమె పాట ఈ సినిమాకు స్పెషల్ అట్రాక్షన్ గా నిలుస్తుందని వెల్లడించారు.
దీక్ష సినిమా స్టోరీ అదే
“మా ‘దీక్ష’ సినిమా షూటింగ్ పూర్తి చేసుకుని, గ్రాఫిక్ వర్క్, పోస్ట్ ప్రొడక్షన్ కార్యక్రమాలు శరవేగంగా జరుపుకుంటోంది. ఈ చిత్రంలో 5 పాటలున్నాయి. సంగీత దర్శకుడు రాజ్ కిరణ్ అద్భుతమైన మ్యూజిక్ అందించారు. మంచి కంటెంట్ ఉన్న సినిమా. అక్సా ఖాన్ స్పెషల్ సాంగ్ లో అద్భుతమైన డాన్స్ చేసింది. జె వి ఆర్ మంచి క్యారెక్టర్ లో నటించారు. మా ప్రొడ్యూసర్ అశోక్ కుమార్ వెనకుండి మమ్మల్ని నడిపిస్తున్నారు.” అని దర్శకనిర్మాత ఆర్ కే గౌడ్ అన్నారు.
ఈ సినిమాలో నాది అద్భుతమైన పాత్ర : అక్సాఖాన్
ఇక అక్సా ఖాన్ మాట్లాడుతూ – “‘దీక్ష’ సినిమాలో మంచి క్యారెక్టర్ చేశాను. మంచి కాన్సెప్ట్ ఉన్న మూవీ ఇది. ఈ సినిమాలో నటించే అవకాశం ఇచ్చిన ఆర్కే గౌడ్ గారికి థ్యాంక్స్. ఈ చిత్రంతో పాటు 18 భాషల్లో వస్తున్న మహిళా కబడ్డి మూవీలోనూ నాకు అవకాశం ఇచ్చినందుకు సంతోషంగా ఉంది.” అని అన్నారు.
నటుడు జె వి ఆర్ మాట్లాడుతూ ” “దీక్ష” సినిమాలో ప్రిన్సిపాల్ గా మంచి కారెక్టర్ చేశాను. కామెడీ, సీరియస్ కలగలసిన పాత్ర నాది. డైరెక్టర్ ఆర్ కె గౌడ్ గారు నాకు గొప్ప పాత్రలో నటించే అవకాశం ఇచ్చారు. కొత్త పాత నటీనటులతో రూపొందుతున్న ఈ చిత్రం ఘన విజయం సాధించాలని కోరుకుంటున్నాను.” అని అన్నారు.
