adminMana Enadu : నందమూరి కుటుంబం నుంచి మరో వారసుడు టాలీవుడ్ లో ఎంట్రీ ఇస్తున్నాడు. నందమూరి హరికృష్ణ (Hari Krishna) మనవడు, జానకిరామ్ కుమారుడు.. తారక రామారావు హీరోగా తెలుగు తెరపై కనువిందు చేయబోతున్నాడు. ప్రముఖ దర్శకుడు వై.వి.ఎస్.చౌదరి (yvs chowdary) తారక రామారావును పరిచయం చేస్తున్నారు. ‘న్యూ టాలెంట్ రోర్స్’ పతాకంపై వైవీఎస్ సతీమణి గీత ఈ చిత్రాన్ని నిర్మిస్తున్నారు.
ఆ అదృష్టం నాకే దక్కింది
ఈ సినిమాకు సంబంధించిన పలు ఆసక్తికర విషయాలను వై.వి.ఎస్.చౌదరి మీడియా సమావేశం ఏర్పాటు చేసి పంచుకున్నారు. ఈ సందర్భంగా న్యూ హీరో తారక రామారావు(Taraka Rama Rao)ని పరిచయం చేశారు. తారక రామారావును పరిచయం చేసినందుకు ఎంతో గర్వంగా ఉందని అన్నారు. హరికృష్ణతో సినిమాలు తీసే అదృష్టం తనకు దక్కిందని.. ఇప్పుడు ఆయన మనవడిని కూడా ప్రపంచానికి పరిచయం చేయబోతున్నానని వై.వి.ఎస్ తెలిపారు.
ఎన్టీఆర్ నా ప్రాణం
“ఎన్టీఆర్ (NTR) అనే పేరు నా ప్రాణం. అది నాకు ఓ తారకమంత్రం. నేను బ్రేక్ తీసుకున్నప్పుడు కూడా ఈ ఫ్యామిలీలో ప్రతి ఒక్కరి బర్త్ డే కు పోస్టులు పెడతాను. ఆ కుటుంబంలో నాకు అందరూ ఒకటే. ఈ సినిమా 1980 నేపథ్యంలో వస్తుంది. నేను కొత్త హీరోతో సినిమా చేయాలనునుకుంటున్న సమయంలో ఎన్టీఆర్ను చూశాను. వాళ్ల అమ్మ కూడా ఎంతో అండగా ఉన్నారు. అలాగే అతడి బాబాయిలు, తాతయ్యలు అందరూ అంగీకరించారు.” అని వైవీఎస్ చెప్పుకొచ్చారు.
ఈ సినిమాతో కమ్ బ్యాక్
గతంలోనూ వైవీఎస్ చౌదరి చాలా మంది నటులను ఇండస్ట్రీకి పరిచయం చేశారు. వెంకట్, చాందిని, చందు, ఆదిత్య ఓం, అంకిత, రామ్, ఇలియానా(Ileana), సాయి ధరమ్ తేజ్, సయామీ ఖేర్ లను ఆయన ఇండస్ట్రీకి ఇంట్రడ్యూస్ చేశారు. వీరంతా సూపర్ హిట్ చిత్రాల్లో నటించి ఇప్పుడు మంచి స్థాయిలో ఉన్న విషయం తెలిసిందే. ఇక వైవీఎస్ చౌదరి ‘సీతా రాముల కల్యాణం చూదము రారండి’, ‘యువరాజు (Yuvaraju)’, ‘లాహిరి లాహిరి లాహిరిలో’, ‘సీతయ్య’, ‘దేవదాస్’ వంటి హిట్ మూవీస్ తీశారు. ఆయన చివరగా తీసిన ‘రేయ్’ మూవీ ఫ్లాప్ అయింది. అప్పటి నుంచి ఆయన ఇండస్ట్రీకి దూరంగా ఉన్నారు. తాజాగా ఎన్టీఆర్ మూవీతో మళ్లీ కమ్ బ్యాక్ ఇస్తున్నారు.
All the best on the first of many steps Ram. The world of cinema will offer you countless moments to cherish… Wishing you nothing but success! With the Love and blessings of your great grandfather NTR garu, grandfather Harikrishna garu and father Janakiram anna, I’m sure you’ll… pic.twitter.com/Op1jRr6KQ7
— Jr NTR (@tarak9999) October 30, 2024
swarna boddula
Desk
