adminMana Enadu : ఇజ్రాయెల్- హమాస్ (Israel-Hamas)ల మధ్య యుద్ధంతో గత కొంతకాలంగా పశ్చిమాసియా అట్టుడుకుతున్న విషయం తెలిసిందే. తమ చెరలోని బందీ (Hamas Hostage)లకు సంబంధించిన వీడియోను ఇటీవల హమాస్ విడుదల చేయడంతో అమెరికా అధ్యక్షుడిగా ఇటీవల ఎన్నికైన డొనాల్డ్ ట్రంప్ (Donald Trump) దానిపై స్పందించారు. ఈ సందర్భంగా మిలిటెంట్ సంస్థపై తీవ్రంగా విరుచుకుపడుతూ.. తాను అధికార బాధ్యతలు చేపట్టకముందే వారిని విడిచిపెట్టాలని డిమాండ్ చేశారు. లేదంటే తీవ్ర పరిణామాలు ఎదుర్కోవాల్సి ఉంటుందని స్ట్రాంగ్ వార్నింగ్ ఇచ్చారు.
వాళ్లకు నరకం చూపిస్తా
ఈ మేరకు ఆయన ట్రూత్ సోషల్ వేదికగా పోస్ట్ చేస్తూ.. తాను అమెరికా అధ్యక్షుడిగా 2025 జనవరి 20న బాధ్యతలు స్వీకరిస్తానని తెలిపారు. ఈలోపు బందీలను విడుదల చేయాలని.. లేకపోతే ఈ దారుణాలకు పాల్పడేవారికి నరకం చూపిస్తానని హెచ్చరించారు. చరిత్రలో చూడని పరిణామాలు ఎదుర్కోవాల్సి ఉంటుందని అన్నారు. వెంటనే బందీలను విడుదల చేయండని ట్రంప్ (Trump Warns Hamas) డిమాండ్ చేశారు.
రోజుకు వెయ్యిసార్లు చస్తున్నాం
ఇజ్రాయెల్పై ఒత్తిడి పెంచేందుకు హమాస్ (Hamas) మిలిటరీ విభాగం అల్ కస్సామ్ బ్రిగేడ్ ఓ వీడియో రిలీజ్ చేసింది. ఈ వీడియోలో.. అమెరికా-ఇజ్రాయెల్ జాతీయుడైన 20 ఏళ్ల ఎడాన్ అలెగ్జాండర్ మాట్లాడుతూ.. తాను గత 420 రోజులుగా హమాస్ చెరలో బందీగా ఉన్నానని తెలిపాడు. తామంతా భయంతో రోజుకు వెయ్యిసార్లు చస్తున్నామని.. త్వరగా విడిపించాలని అభ్యర్థించాడు.
51 మంది మాత్రమే సజీవం
గత ఏడాది అక్టోబర్ 7న ఇజ్రాయెల్ (Israel)పై హమాస్ (Hamas) దాడి చేయడంతో సుమారు 1,200 మందికిపైగా ప్రాణాలు కోల్పోయారు. 251 మందిని ఆ సంస్థ బంధించి గాజాలోకి తీసుకెళ్లగా.. తాత్కాలికంగా జరిగిన కాల్పుల విరమణ ఒప్పందం వేళ కొందరు బందీలు విడుదలయ్యారు. పలు ఘటనల్లో మరికొందరు మృతి చెందగా.. ప్రస్తుతం 51 మంది మాత్రమే సజీవంగా ఉన్నట్లు ఇజ్రాయెల్ మీడియా వెల్లడించింది.
Desk
swarna boddula
