Today Market: మళ్లీ పెరిగిన బంగారం ధర.. కేజీ వెండి రేటు రూ.1,07,000

బంగారం ధరలు(Gold Rates) మళ్లీ షాకిచ్చాయి.  గత కొంతకాలంగా పెరుగుతూ వచ్చిన పసిడి రేటు బుధవారం ఒక్కరోజే రూ.700కు పైగా తగ్గింది. దీంతో ఇక పుత్తడి ధరలు తగ్గుతాయని భావించిన వినియోగదారులకు నిరాశే ఎదురైంది. పెళ్లిళ్లు, శుభకార్యాల సీజన్ కావడంతో గోల్డ్‌కి డిమాండ్ ఏర్పడింది. కానీ ఆకాశన్నంటున్న ధరలను చూసి కొనుగోలుదారులు ఆందోళన చెందుతున్నారు. కాగా ఇవాళ అమెరికా అధ్యక్షుడు ట్రంప్‌(Trump)తో ప్రధాని మోదీ(PM Modi) భేటీ తర్వాతనైనా బంగారం ధరలు తగ్గాయేమోనని పసిడి ప్రియులు ఆశగా ఎదురుచూస్తున్నారు.

ఈ ధరలు ఎలా ఉన్నాయంటే..

కాగా ఈ రోజు (ఫిబ్రవరి 13న) హైదరాబాద్‌(HYD)లో బంగారం ధరలు ఇలా ఉన్నాయి. 22 క్యారెట్ల 10 గ్రాముల పుత్తడి రూ.400 పెరిగి రూ.79,800గా ఉంది. అలాగే 24 క్యారెట్ల 10 గ్రాముల బంగారం ధర రూ.380 పెరిగి రూ.87, 050 వద్ద ట్రేడ్ అవుతోంది. దేశ రాజధాని ఢిల్లీ(Delhi)లో 24 క్యారెట్ల 10 గ్రాముల పసిడి రేటు రూ. 86, 810కి చేరుకోగా, 22 క్యారెట్ల 10 గ్రాముల గోల్డ్ ధర 10 గ్రాములకు రూ.79, 540గా పలుకుతోంది. ఇక కేజీ సిల్వర్(Silver Price) ధర రూ.1,07,000గా నమోదైంది. ఇక నిన్నటితో పోలిస్తే రూపీ వ్యాల్యూ(Rupee Value) కాస్త మెరుగుపడింది. దీంతో ఇవాళ ఒక US డాలర్‌కు రూ.86.88గా ఉంది.