గుడ్ న్యూస్.. తగ్గిన బంగారం ధరలు.. ఇవాళ ఎంతంటే?

పసిడి ప్రియులకు గుడ్ న్యూస్. గత కొన్ని రోజులుగా లక్ష రూపాయలకు పైన చేరిన బంగారం ధరలు (GOld Price Hike) ప్రస్తుతం కాస్త తగ్గుముఖం పట్టాయి. శుక్రవారం కంటే దాదాపు రూ.600కుపైగా పుత్తడి రేటులో తగ్గుదల కనిపించింది. ప్రస్తుతం లక్ష రూపాయలకు దిగువన గోల్డ్ రేటు ట్రేడ్ అవుతోంది. బంగారం ధరలు ఆల్ టైమ్ రికార్డు ధరకు చేరుకోవడంతో ఇప్పట్లో గోల్డ్ కొనుగోలు చేసే పరిస్థితులు లేవని పసిడి ప్రియులు ఆందోళన చెందారు. అయితే ప్రస్తుతం స్వల్పంగా తగ్గుదల కనిపిస్తుండటంతో త్వరలోనే సాధారణ స్థితి బంగారం ధరలు చేరుకుంటాయని ఆశిస్తున్నారు.

స్వల్పంగా తగ్గిన బంగారం ధర

ప్రస్తుతం బులియన్ మార్కెట్‌లో స్వచ్ఛమైన పసిడి ధర (Gold Rate Today) 98వేల రూపాయలకు పైగా ఉంది. తాజాగా బంగారం, వెండి ధరలు స్వల్పంగా తగ్గాయి. సోమవారం రోజున దేశవ్యాప్తంగా గోల్డ్, సిల్వర్ రేట్లలో స్వల్పంగా తగ్గుదల కనిపించింది. ముఖ్యంగా హైదరాబాద్ నగరంలో గోల్డ్ రేట్లు తగ్గడంతో ప్రజలు బంగారు ఆభరణాలు కొనుగోలు చేసేందుకు మక్కువ చూపిస్తున్నారు. మరోవైపు సిల్వర్ ధరల్లోనూ సోమవారం రోజున కాస్త తగ్గుదల కనిపించింది. మరి ఇవాళ్టి బంగారం, వెండి ధరలు ఎలా ఉన్నాయో ఓ సారి చూద్దామా..?

తగ్గిన సిల్వర్ రేట్లు

హైదరాబాద్ నగరంలో 24 క్యారెట్ల గోల్డ్ తులం ధర శుక్రవారం రోజున రూ.98,210 ఉండగా.. సోమవారం ఉదయం నాటికి రూ.680 తగ్గి ప్రస్తుతం రూ.97,530 వద్ద పలుకుతోంది. ఇక 22 క్యారెట్ల బంగారం 10 గ్రాముల ధర ఆదివారం రోజున రూ.90,020 ఉండగా సోమవారం ఉదయం వరకు రూ.620 తగ్గి ప్రస్తుతం రూ.89,400 వద్ద అమ్ముడుపోతోంది. మరోవైపు వెండి ధరల్లో (Silver Rate Today)నూ స్వల్పంగా తగ్గుదల కనిపించింది. ఆదివారం కిలో వెండి ధర రూ.99,600 ఉండగా, సోమవారం నాటికి రూ.620 తగ్గి రూ.98,980కు చేరుకుంది.