adminMana Enadu : జార్ఖండ్ 14వ ముఖ్యమంత్రిగా జేఎంఎం నేత, హేమంత్ సోరెన్ (Hemant Soren) గురువారం (నవంబర్ 28) ప్రమాణ స్వీకారం చేశారు. రాంచీలోని మొరహాబాదీ మైదానంలో గురువారం సాయంత్రం జరిగిన ఈ కార్యక్రమంలో గవర్నర్ సంతోష్‌ కుమార్‌ గంగ్వార్‌ (Jharkhand Governor) ఆయనతో ప్రమాణం చేయించారు. జార్ఖండ్ సీఎంగా సోరెన్ ప్రమాణ స్వీకారం చేయడం ఇది నాలుగోసారి.
ఇండియా కూటమి నేతలు హాజరు
హేమంత్ సోరెన్ ప్రమాణ స్వీకార కార్యక్రమానికి కాంగ్రెస్ జాతీయ అధ్యక్షుడు మల్లికార్జున ఖర్గే (Mallikarjuna Kharge), లోక్‌సభ ప్రతిపక్ష నేత రాహుల్ గాంధీ, ఆప్‌ జాతీయ కన్వీనర్ అరవింద్‌ కేజ్రీవాల్‌, బంగాల్ సీఎం మమతా బెనర్జీ, కర్ణాటక డిప్యూటీ సీఎం డీకే శివకుమార్ (DK Shiva Kumar), ఆర్జేడీ నేత తేజస్వీ యాదవ్‌, సమాజ్‌వాదీ పార్టీ చీఫ్‌ అఖిలేశ్‌ యాదవ్‌, ఇతర ఇండియా కూటమి నేతలు హాజరయ్యారు.
#WATCH | JMM executive president Hemant Soren takes oath as the 14th Chief Minister of Jharkhand, in Ranchi.
(Video: ANI/Jhargov TV) pic.twitter.com/30GxxK9CXe
— ANI (@ANI) November 28, 2024
నాలుగోసారి సీఎంగా ప్రమాణం
హేమంత్ సోరెన్ ఇప్పటి వరకు మూడు సార్లు ముఖ్యమంత్రి (Jharkhand New CM)గా పని చేశారు. తాజాగా నాలుగో సారి ఆయన సీఎంగా బాధ్యతలు చేపట్టారు. ఈ ఏడాది ప్రారంభంలో భూ కుంభకోణానికి సంబంధించిన మనీలాండరింగ్‌ కేసులో జనవరి 31న ఈడీ అధికారులు హేమంత్ సోరెన్‌ను అరెస్టు చేయడంతో ఆయన సీఎం పదవికి రాజీనామా చేశారు హేమంత్. ఐదు నెలల తర్వాత జైలు నుంచి విడుదలైన సోరెన్ మళ్లీ సీఎం పగ్గాలు చేపట్టి ప్రజల్లో నమ్మకాన్ని కూడగట్టుకున్నారు.
జైలు నుంచి సీఎం ఆఫీసు వరకు
ఇక ఇటీవల జరిగిన అసెంబ్లీ ఎన్నికల్లో జేఎంఎం (JMM in Jharkhand) పార్టీ భారీ విజయం సాధించిన విషయం తెలిసిందే. రాష్ట్రంలో 81 స్థానాలుండగా, జేఎంఎం 34 చోట్ల.. బీజేపీ (BJP)కి 21 సీట్లు, కాంగ్రెస్ 16 సీట్లు, ఆర్జేడీ 4 సీట్లు దక్కించుకున్నాయి. సీపీఐ (ఎంఎల్‌) రెండు, ఏజేఎస్‌యూపీ, లోక్‌ జనశక్తిపార్టీ (రాం విలాస్‌), జేఎల్‌కేఎం, జేడీయూ చెరో ఒక స్థానంలో విజయం సాధించాయి. ఈ క్రమంలోనే జేఎంఎం నేతృత్వంలోని కూటమి సర్కార్ తాజాగా రాష్ట్రంలో కొలువుదీరింది.
Desk
swarna boddula
