Desk
కాళేశ్వరం కమిషన్ నివేదిక(Kaleshwaram Commission Report) తెలంగాణ ముఖ్యమంత్రి రేవంత్ రెడ్డి(CM Revanth Reddy)కి కాసేపటికి క్రితం (ఆగస్టు 1) అందింది. ఈ మేరకు నీటిపారుదల శాఖ మంత్రి ఉత్తమ్ కుమార్ రెడ్డి(Irrigation Minister Uttam Kumar Reddy) ఈ నివేదికను సీఎంకు అందజేశారు. కాగా తెలంగాణలోని కాళేశ్వరం ప్రాజెక్టులో అవకతవకలపై జస్టిస్ పీసీ ఘోష్(Justice PC Ghosh) నేతృత్వంలోని జ్యుడీషియల్ కమిషన్ తన తుది నివేదికను జులై 31న రాష్ట్ర ప్రభుత్వానికి సమర్పించింది. 15 నెలలపాటు 115 మంది అధికారులు, రాజకీయ నాయకులతో విచారణ జరిపిన కమిషన్, మేడిగడ్డ, అన్నారం, సుందిళ్ల బ్యారేజీల నిర్మాణంలో లోపాలు, ఆర్థిక అక్రమాలపై సమగ్ర నివేదిక(Comprehensive report on financial irregularities) సిద్ధం చేసింది. నీటిపారుదల శాఖ ముఖ్య కార్యదర్శి రాహుల్ బొజ్జా(Rahul Bojja)కు సీల్డ్ కవర్‌లో నివేదిక అందజేయగా, ఇది కేబినెట్ సబ్ కమిటీకి చేరనుంది.
650 పేజీలతో మూడు వాల్యూమ్‌లుగా నివేదిక
కాగా 2023 అక్టోబర్‌లో మేడిగడ్డ బ్యారేజీ(Medigadda Barrage) కుంగిపోవడం, అన్నారం, సుందిళ్లలో సీపేజీ సమస్యలతో కాంగ్రెస్ ప్రభుత్వం 2024 మార్చిలో కమిషన్‌ను ఏర్పాటు చేసింది. మాజీ సీఎం KCR, మాజీ మంత్రులు హరీశ్ రావు, ఈటల రాజేందర్‌తోపాటు ఇంజనీర్లు, ఐఏఎస్ అధికారులను కమిషన్ ప్రశ్నించింది. విజిలెన్స్, NDSA, CAG నివేదికలను పరిశీలించిన కమిషన్, డిజైన్ లోపాలు, నిబంధనల ఉల్లంఘన, అధిక బిల్లుల చెల్లింపును గుర్తించింది. 650 పేజీలతో మూడు వాల్యూమ్‌లుగా సిద్ధమైన ఈ నివేదికపై కేబినెట్‌లో చర్చించి, అసెంబ్లీలో పెట్టనున్నారు.
బాధ్యులపై చర్యలు తీసుకునే అవకాశం?
ఆ తర్వాత బాధ్యులపై చర్యలు తీసుకునే అవకాశం ఉంది. వ్యవస్థాగత విధానాలకు విరుద్ధంగా వ్యక్తుల ఇష్టానుసారం పనులు జరిగాయని, ఉన్నతస్థాయి ఒత్తిడులకు తలొగ్గి నిబంధనలకు వ్యతిరేకంగా నిర్ణయాలు తీసుకున్నారని, ఆర్థిక అవకతవకలు చోటుచేసుకున్నాయని నివేదికలో పేర్కొన్నట్లు సమాచారం. కాగా ఈ నివేదిక రాజకీయంగా తీవ్ర చర్చనీయాంశంగా మారనుంది.
swarna boddula
admin
