adminMana Enadu: కార్తీక మాసం(Kathika Masam) హిందువులకు అత్యంత ఆధ్యాత్మిక మాసం. ఈనెలలో వచ్చే కార్తీక పౌర్ణమి(Karthika Pournami) వారికి ఎంతో ప్రత్యేకమైన రోజు. ఆ రోజున ప్రతి ఇల్లూ దీపాలతో ప్రకాశిస్తుంటుంది. అంతేకాదు ఈ నెలలో ప్రతి రోజూ పవిత్రమైనదే. నదీ స్నానాలు(River baths), దానధర్మాలు(charity), పూజలు అన్నీ శుభాలను ఇస్తాయని హిందూ భక్తుల నమ్మకం. అయితే కార్తీక మాసంలో ఏకాదశి, ద్వాదశి, పౌర్ణమి తిధులు అత్యంత విశిష్టమైనవి,పవిత్రమైనవి. హిందువులు(Hindus) కార్తీక మాసంలోని పౌర్ణమి రోజున శివుడి(Lord Shiva)ని అత్యంత భక్తిశ్రద్దలతో పూజిస్తారు.
నదీ స్నానానికి ఎంతో విశిష్టత
కార్తీక పౌర్ణమి రోజు తెల్లవారుజామున(Early Monrning) అంటే సూర్యోదయానికి ముందుగానే నిద్రలేవాలి. తలంటు స్నానం ఆచరించాలి. వీలైతే నదీ స్నానం చేస్తే మంచిది. ఎందుకంటే కార్తీకమాసంలో విష్ణు భగవానుడు చేప రూపంలో నీటిలో నివసిస్తాడు. అందుకే ఈ సమయంలో నదీ స్నానానికి(River baths) ఎంతో విశిష్టత ఉందని పురాణాలు చెబుతున్నాయి. స్నానం తరువాత ఇంట్లో దీపారాధన చేయాలి. అనంతరం దగ్గర్లోని శివాలయానికి వెల్లి రుద్రాభిషేకం(Rudraabhishekam) చేయాలి. ఆ రోజంతా ఆ పరమశివుడినే స్మరిస్తూ ఉపవాస(Fasting) దీక్ష చేస్తే మంచి జరుగుతుందని వేద పండితులు చెబుతున్నారు.
తులసి చెట్టు దగ్గరా వెలిగించొచ్చు..
ముఖ్యంగా, కార్తీక పౌర్ణమి రోజున చాలామంది 365 వత్తులతో దీపం(Lamp with 365 wicks) వెలిగించడం ఒక ఆచారంగా పాటిస్తారు. ఇది సంవత్సరంలో ప్రతి రోజు ఒక దీపం వెలిగించలేని వారు ఒక్క రోజు 365 వత్తులతో దీపం వెలిగించడం ద్వారా ప్రతిరోజు దీపారాధన చేసినట్టు భావిస్తారు. ఈ దీపం ఉదయం శివాలయం(Shivalayam)లో వెలిగించవచ్చు లేదా సాయంత్రం ఇంట్లోని తులసి(Tulasi)కోట వద్ద వెలిగించవచ్చు. ఇంత విశిష్టమైన కార్తీక పౌర్ణమి రోజున ప్రతి ఒక్కరూ 365 వత్తులతో దీపాన్ని వెలిగించి సుఖ సంతోషాలతో ఉంటారని భక్తుల నమ్మకం. ఇంకెందుకు ఆలస్యం మీరూ ఇలానే పాటించండి.
Desk
swarna boddula
