Mana Enadu : పాన్ ఇండియా స్టార్ ప్రభాస్ (Prabhas) ప్రస్తుతం అరడజను సినిమాలతో బిజీబిజిగా ఉన్నాడు. ఓవైపు ‘రాజా సాబ్ (Raja Saab)’ షూటింగ్​లో ప్రస్తుతం బిజీగా ఉన్నాడు. త్వరలోనే ఆయన మరిన్ని సినిమాలు చేసేందుకు రెడీ అయ్యాడు. అందులో ‘యానిమల్’ ఫేం సందీప్ రెడ్డి వంగా(Sandeep Reddy Vanga)తో చేయాల్సిన స్పిరిట్ చిత్రం కూడా ఉంది. అయితే ఈ మూవీలో విదేశీ నటులు నటిస్తున్నారంటూ గతంలో సోషల్ మీడియాలో న్యూస్ వైరల్ అయింది. ముఖ్యంగా కొరియన్ నటుడు డాన్ లీ ఈ చిత్రంలో విలన్ గా నటిస్తున్నారంటూ ఊహాగానాలు వెలువడ్డాయి. 

స్పిరిట్ లో కొరియన్ విలన్

డాన్ లీ ‘స్పిరిట్ (Spirit Movie)​’లో విలన్‌గా నటిస్తున్నారంటూ గతంలో నెట్టింట తెగ ట్రెండ్ అయ్యింది. కానీ అటు డాన్ లీ (Don Lee) కానీ ఇటు మూవీ టీమ్ కానీ స్పందించలేదు. ఇక అది రూమరేనంటూ అందరూ ఆ విషయం లైట్ తీసుకున్నారు. అయితే తాజాగా ఈ రూమర్ మరోసారి నెట్టింట చక్కర్లు కొడుతోంది. డాన్ లీ స్పిరిట్ విలన్ అంటూ మరోసారి వార్తలు వైరల్ అవుతున్నాయి. ప్రభాస్ తో లీ ఫైట్ కచ్చితంగా ఉంటుందంటూ నెట్టింట రెబల్ స్టార్ అభిమానులు తెగ రచ్చ చేస్తున్నారు. ఇంతకీ ఈ విషయం మళ్లీ ఎందుకు వెలుగులోకి వచ్చిందంటే?

ఆ పోస్టర్ తో మళ్లీ ట్రెండింగ్ లోకి లీ

‘సలార్ 2 (Salaar 2)’ త్వరలోనే పట్టాలెక్కనున్నందున ఈ చిత్రానికి సంబంధించిన పోస్టర్​ను తన ఇన్​స్టా స్టోరీలో షేర్ చేశారు డాన్ లీ. ఆల్ ది బెస్ట్ అంటూ ఓ ఎమోజీ కూడా యాడ్ చేశాడు. దీంతో ఒక్కసారిగా అందరూ షాకయ్యారు. ఇప్పటివరకూ ఎటువంటి రూమర్​కు స్పందించని లీ.. ఇప్పుడు సలార్ కు విషెస్ చెప్పడం చర్చనీయాంశమైంది.

#Spirit✴️

Donlee – #Prabhas pic.twitter.com/PgA7iv8RdP

— Manobala Vijayabalan (@ManobalaV) November 9, 2024

ఈ క్రమంలోనే ఆయన ప్రభాస్ తో కలిసి నటిస్తున్నారనే ఊహాగానాలు మళ్లీ ఊపందుకున్నాయి. అయితే ఆయన సలార్ మూవీలో నటిస్తున్నాడా? లేక స్పిరిట్ లో నటిస్తుండటం వల్ల ప్రభాస్ ను సపోర్ట్ చేసేందుకు ఇలా పోస్టు పెట్టారా అని నెటిజన్లు తెగ ఆలోచిస్తున్నారు.