Desk
చైనాలో వర్షాలు బీభత్సం సృష్టిస్తున్నాయి (Floods in China). అకాల వర్షాలతో పలు ప్రాంతాలు వరదల్లో మునిగిపోతున్నాయి. తీర ప్రాంతాల్లోని చిన్న ఇళ్లు, గుడిసెలు కొట్టుకుపోయి చాలా మంది నిరాశ్రయులవుతున్నారు. ఇదిలా ఉంటే.. వరదల కారణంగా షాంగ్జీ ప్రావిన్స్ ప్రాంతంలోని ఓ జువెల్లరీ షాప్ లోని విలువైన బంగారం, వెండి ఆభరణాలు కొట్టుకుపోయాయి. దీంతో వాటిని వెతికేందుకు జనాలు వీధుల్లోకి చేరారు.
బంగారు హారాలు, వజ్రపు ఉంగరాలు..
షాంగ్జీ ప్రావిన్స్ లోని వుచి కౌంటీ ప్రాంతం సముద్ర తీరానికి సమీపంలో ఉంటుంది. ఇక్కడ స్థానికంగా ఉన్న లావో ఫెంగ్జియాంగ్ ఆభరణాల దుకాణాన్ని వరదలు ముంచెత్తాయి. దీంతో దుకాణంలోని నగలు, సేఫ్ బాక్స్ కొట్టుకుపోయాయి. బంగారు (Gold) హారాలు, గాజులు, ఉంగరాలు, చెవి దుద్దులు, వజ్రపు ఉంగరాలు, వెండి ఆభరణాలు కొట్టుకుపోయినట్లు యజమాని తెలిపారు. సేఫ్ బాక్సులో రీసైకిల్ చేసిన బంగారంతో పాటు భారీగా నగదు కూడా ఉన్నట్లు పేర్కొన్నారు. దాదాపు 20 కిలోల బంగారం, నగదు గల్లంతైనట్లు తెలిపారు. వీటి విలువ 10 మిలియన్ యువాన్లు (అంటే భారత కరెన్సీలో దాదాపు రూ.12కోట్ల పైమాటే) ఉంటుందని వెల్లడించారు.
సోషల్ మీడియాలో వైరల్ అవతున్న వీడియోలు
అయితే జువెల్లరీ షాప్ నుంచి బంగారం కొట్టుకుపోయిన విషయం మీడియా ద్వారా బయటకు రావడంతో ఆ బంగారాన్ని దక్కించుకునేందుకు స్థానికులు పెద్దఎత్తున వెతకడం ప్రారంభించారు. కానీ కొందరు తమకు దొరికిన ఆభరణాలను తనకు వెనక్కి ఇచ్చేశారని దుకాణ యజమాని తెలిపారు. ఇప్పటివరకు కేజీ బంగారం తమ వద్దకు చేరిందన్నారు. రోజులు గడుస్తున్నా మిగతా బంగారం కోసం స్థానికులు వెతుకుతూనే ఉన్నారు. ఇందుకు సంబంధించిన వీడియోలు సోషల్ మీడియాలో మారాయి.
A gold shop in Wuqi County, Shaanxi says around 20kg of jewelry was lost in recent floods. About 1kg has been recovered so far. Police are investigating, and local authorities are urging anyone who found gold to return it. #Shaanxi #floods pic.twitter.com/kZQsaLqJnz
— Spill the China (@SpilltheChina) July 27, 2025
swarna boddula
admin
