swarna boddula
మంచు విష్ణు(Manchu vishnu) ప్రధాన పాత్రలో నటించిన ‘కన్నప్ప'(Kannappa) చిత్రం జూన్(June) 27న(ఈ రోజు) ప్రేక్షకుల ముందుకు వచ్చి మంచి స్పందన సొంతం చేసుకుంటోంది. తాజాగా ఈ చిత్రాన్ని ప్రసాద్ ఐమ్యాక్స్‌లో చూసిన మంచు మనోజ్(Manchu Manoj), సినిమా ముగిసిన అనంతరం మీడియాతో తన అనుభూతులను పంచుకున్నారు.
కన్నప్ప సినిమా చాలా బాగుందని చెప్పారు. ముఖ్యంగా క్లైమాక్స్‌ సన్నివేశాలు అద్భుతంగా ఉన్నాయన్నారు. ‘చివరి 20 నిమిషాలు చూడగానే గూస్‌బంప్స్ వచ్చాయి. కథనం అద్భుతంగా మలిచారు. విజువల్స్‌, విజువల్ ఎఫెక్ట్స్‌ బావున్నాయి. మా నాన్నగారు (మోహన్‌బాబు) చేసిన నటన చూస్తే.. ఆయన కొడుకుగా గర్వంగా ఉంది. ఆయన పాత్రలో పూర్తిగా జీవించారు. ఆయన డైలాగ్ డెలివరీ, భావప్రకటన విన్నవారిని కదిలించేలా ఉన్నాయి. ప్రభాస్(Prabhas) యాక్టింగ్ అదిరింది. అన్న ఇంత బాగా చేస్తారని అస్సలు ఊహించలేదు. ఈ సినిమా ఘన విజయాన్ని అందుకోవాలని ప్రార్థిస్తున్నా’ అని మనోజ్ తెలిపారు. సినిమాలోని కొన్ని సన్నివేశాలు తనను భావోద్వేగానికి గురిచేశాయన్నారు.
తండ్రి మోహన్‌బాబు(Mohan Babu) నటన గురించి మాట్లాడుతూ, ‘‘మా నాన్నగారు చేసిన నటన చూసి గర్వంగా అనిపించింది. ఆయన పాత్రలో పూర్తిగా లీనమైపోయారు. ఆయన డైలాగ్స్, నటన అద్భుతంగా ఉన్నాయి’’ అన్నారు. అలాగే ప్రభాస్ నటనపై స్పందిస్తూ, ‘‘ప్రభాస్ యాక్టింగ్ అదిరింది. ఆయన వచ్చిన తర్వాత సినిమా మరో లెవల్‌కి వెళ్లింది’’ అని తెలిపారు.
విష్ణు నటనపై కూడా మనోజ్ ఆసక్తికర వ్యాఖ్యలు చేశారు. ‘‘అన్న ఇంత బాగా చేస్తారని అస్సలు ఊహించలేదు. ఎమోషన్స్‌లో నటన అద్భుతంగా ఉంది. ఈ సినిమా ఘన విజయం సాధించాలని మనస్ఫూర్తిగా కోరుకుంటున్నా’’ అని తెలిపారు. ఈ సందర్భంగా సినిమాలోని కొన్ని సన్నివేశాలు తనను భావోద్వేగానికి గురిచేశాయని చెప్పారు.
కాగా, గత కొన్ని రోజులుగా మంచు అన్నదమ్ముల మధ్య గొడవలు తారాస్థాయికి చేరుతున్న విషయం తెలిసిందే. ముఖ్యంగా మంచు మనోజ్ తన అన్న మంచు విష్ణుపై సెటైరికల్ కామెంట్లు చేయడం, ఇటు విష్ణు కూడా మనోజ్‌పై విమర్శలు గుప్పించడం చూస్తూనే ఉన్నాం. ఈ నేపథ్యంలో మంచు మనోజ్ వ్యాఖ్యలు సోషల్ మీడియాలో వైరల్‌గా మారాయి.
admin
Desk
