దిల్ రాజు భార్య తేజస్విని ఏం చదివిందో.. ఏం చేస్తుందో తెలుసా?

టాలీవుడ్ అగ్ర నిర్మాతల్లో ఒకరైన దిల్ రాజు (Dil Raju) రెండో వివాహం తేజస్విని వ్యాఘ(Tejaswini)తో 2020లో చేసుకున్న విషయం తెలిసిందే. పెళ్లి తర్వాత తేజస్విని మీడియా ముందు కనిపించకపోయినా, సోషల్ మీడియాలో మాత్రం ఆమె చాలా యాక్టివ్‌గా ఉంటూ తన ఫ్యామిలీ, పర్సనల్ లైఫ్‌కు సంబంధించిన ఫోటోలు, వీడియోలు షేర్ చేస్తూ అభిమానులతో టచ్‌లో ఉంటున్నారు.

తాజాగా, ఆమె ఓ ప్రముఖ ఛానల్‌కి ఇచ్చిన ఇంటర్వ్యూలో తన జీవన ప్రయాణం, విద్య, అభిరుచులు, లక్ష్యాల గురించి ఆసక్తికరమైన విషయాలు వెల్లడించారు. ఇది ఆమె వివాహం తర్వాత మీడియాకు ఇచ్చిన తొలి ఇంటర్వ్యూ కావడం విశేషం.

విద్యాభ్యాసం

తేజస్విని మాట్లాడుతూ – “నేను హైదరాబాద్‌లోనే పుట్టిపెరిగాను. నా స్టడీస్ అన్నీ ఇక్కడే జరిగాయి. చిన్నప్పటి నుంచీ అమ్మ డిసిప్లిన్‌కి ఎక్కువ ప్రాధాన్యత ఇచ్చాను. అందుకే మంచి స్కూల్స్‌లో చదువుకునే అవకాశమొచ్చింది. సెయింట్ యాన్స్ స్కూల్‌లో స్కూలింగ్ చేశాను. అనంతరం శ్రీ చైతన్య కాలేజీలో ఇంటర్ పూర్తి చేశాను. డిగ్రీని కస్తూరిబా గాంధీ డిగ్రీ కాలేజీలో చదివాను. ఆ తర్వాత నాచారం లోని సెయింట్ పియస్ కాలేజీలో బయో కెమిస్ట్రీలో పిజీ చేశాను,” అని వివరించారు.

తన తల్లి హైకోర్ట్‌ అడ్వకేట్ కావడంతో లా పట్ల ఆసక్తి పెరిగిందని చెప్పిన తేజస్విని –
“అమ్మను చూసి నన్ను కూడా లా చదవాలనే ఆసక్తి కలిగింది. అందుకే పిజీ పూర్తయ్యాక పెండేకంటి లా కాలేజీలో లా కోర్సు జాయిన్ అయ్యాను. లా చదువుతున్న సమయంలోనే మా పెళ్లి జరిగింది. అయినా చదువును ఆపలేదు. చివరికి 2024లో నా లా డిగ్రీ పూర్తయ్యింది. చదువులో నేను ఎప్పుడూ మంచి స్టూడెంట్‌నే. ఎప్పుడూ ఫస్ట్ క్లాస్‌ రిజల్ట్స్ వచ్చేవే,” అని ఆమె అన్నారు.

నృత్య కళలో ఆసక్తి

తేజస్విని తాను ఒక ట్రెయిన్డ్ క్లాసికల్ డ్యాన్సర్ అని చెప్పారు. “చిన్నప్పటినుంచి నృత్యం అంటే ఎంతో ఇష్టం. భరతనాట్యం, కూచిపూడి వంటి శాస్త్రీయ నృత్యాల్లో శిక్షణ తీసుకున్నాను. అనేక స్టేజ్ ప్రోగ్రామ్‌లలో పాల్గొన్నాను. చదువుతోపాటు కళలపైనా సమానమైన ప్రేమ ఉంది” అని తెలిపారు.

ప్రస్తుతం సినిమాల్లో ఇన్‌వాల్వ్‌మెంట్

తేజస్విని ప్రస్తుతం దిల్ రాజు నిర్మాణ సంస్థకు సంబంధించి పలు ప్రాజెక్ట్స్‌లో యాక్టివ్‌గా పనిచేస్తున్నారు. “మా సంస్థలో ప్రొడక్షన్‌కు సంబంధించిన కొన్ని బాధ్యతలు చేపట్టాను. కొత్త విషయాలు నేర్చుకుంటున్నాను. సినిమాల మీద కూడా నాకు మంచి ఆసక్తి ఉంది. భవిష్యత్తులో మరింతగా ఇన్‌వాల్వ్ అవ్వాలనుంది,” అని తెలిపారు.

పర్సనల్ లైఫ్, సోషల్ మీడియా

తేజస్విని తన వ్యక్తిగత జీవితాన్ని బ్యాలెన్స్ చేస్తూ, తన కుమారుడికి తల్లిగా, ఒక వ్యాపార పురుషుని భార్యగా, యువతకు ఒక స్ఫూర్తిగా నిలుస్తున్నారు. సోషల్ మీడియాలో ఆమె సాధారణ జీవితం, కుటుంబం, పుట్టినరోజులు, పండుగ వేళల్లో క్షణాలను అభిమానులతో పంచుకుంటూ అందరినీ ఆకట్టుకుంటున్నారు.