admin
ఈ సీజన్‌లో సన్ రైజర్స్ హైదరాబాద్(SRH) పరిస్థితి దారుణంగా తయారైంది. కొడితే భారీ స్కోర్లు.. లేదంటే అంతే సంగతులు. తొలి మ్యాచులోనే రికార్డు స్థాయిలో స్కోరు చేయడంతో అభిమానులు భారీ అంచనాలు పెట్టుకున్నారు. కానీ ఆ సంతోషం కేవలం ఒక్క మ్యాచుకే పరిమితమైంది. ఆ తర్వాత వరుసగా 4 మ్యాచుల్లో ఓడి విమర్శలు మూటగట్టుకుంది. ఆపై పంజాబ్‌(PBKS)పై రికార్డు స్థాయిలో టార్గెట్‌ను ఛేదించి మళ్లీ పుంజుకున్నట్లే కనిపించినా.. గురువారం ముంబైతో మ్యాచులో పరిస్థితి మళ్లీ మొదటికి వచ్చింది. ఈ మ్యాచులో SRHపై ముంబై 4 వికెట్ల తేడాతో గెలిచింది.
#IPL2025 Match 33 🏏#MumbaiIndians beat #SunrisersHyderabad by 4 Wickets 🏏#SRH – 162/5, #MI – 166/6
Player of the Match – #WillJacks (3-0-14-2 & 26 Ball 36)#IPLonJioStar #MIvsSRH #MIvSRH #SRHvsMI #SRHvMI #TATAIPL #Cricket #CricketTwitter #TATAIPL2025 pic.twitter.com/a88cRPFXWQ
— Nishant Dravid (@nishantdravid73) April 17, 2025
యార్కర్లు.. స్లో బంతులతో దెబ్బతీశారు..
ముంబైలోని వాంఖడే స్డేడియంలో జరిగిన మ్యాచులో తొలుత టాస్ ఓడి బ్యాటింగ్ చేసిన రైజర్స్ నిర్ణీత ఓవర్లలో 5 వికెట్ల నష్టానికి 162 రన్స్ చేసింది. అభిషేక్ 40, హెడ్ 28 పరుగులు చేసినా స్కోరు బోర్డును పరుగెత్తించలేక పోయారు. వీరు ఔటయ్యాక క్రీజులోకి వచ్చిన ఇషాన్ కేవలం 2 పరుగులకే పెవిలియన్ చేరాడు. నితీశ్ 19, క్లాసెన్ 37 వన్డే తరహా బ్యాటింగ్ చేశారు. అనికేత్ 18, కమిన్స్ 8 రన్స్ చేయడంతో రైజర్స్ ఆ మాత్రం స్కోరైనా చేసింది. ముంబై బౌలర్లు అద్భుతంగా బౌలింగ్ చేశారు. యార్కర్లు.. స్లో బంతులతో రైజర్స్‌ను దెబ్బతీశారు. జాక్స్ 2, బౌల్ట్, బుమ్రా, పాండ్య తలో వికెట్ తీశారు.
మరో 11 బంతులు ఉండగానే..
అనంతరం 163 పరుగుల లక్ష్య ఛేదనలో MI 18.1 ఓవర్లలో 6 వికెట్లకు 166 పరుగులు చేసి విజయభేరి మోగించింది. ర్యాన్ రికెల్టన్ 21, రోహిత్ శర్మ 26, విల్ జాక్స్ 36, సూర్యకుమార్ యాదవ్ 26, తిలక్ వర్మ 21 (నాటౌట్), కెప్టెన్ హార్దిక్ పాండ్య 21 పరుగులు చేశారు. రైజర్స్ బౌలర్లలో కమిన్స్ 3, మలింగా 2, హర్షల్ పటేల్ ఒకవికెట్ తీశారు. ఈ ఓటమితో SRH ప్లేఆఫ్స్ అవకాశాలు సన్నగిల్లాయి.
Desk
swarna boddula
