పోప్‌ ఫ్రాన్సిస్‌ కన్నుమూత.. ప్రపంచ దేశాల ప్రముఖుల సంతాపం

కేథలిక్‌ల మత గురువు పోప్‌ ఫ్రాన్సిస్‌ (88) (Pope Francis) కన్నుమూశారు. ఇటలీ కాలమానం ప్రకారం సోమవారం ఉదయం 7.35కు ఆయన తుదిశ్వాస విడిచారు.  గత కొంతకాలంగా శ్వాసకోశ సమస్యలు, డబుల్‌ న్యూమోనియా, కిడ్నీ సమస్యలతో తీవ్రంగా బాధపడిన ఆయన ఇటీవల ఆస్పత్రిలో చికిత్స పొందారు. దాదాపు నెల రోజుల పాటు చికిత్స పొందిన అనంతరం ఆయన ఇటీవల డిశ్చార్జి అయ్యారు. 2013లో పోప్‌ బెనిడెక్ట్‌ తర్వాత ఫ్రాన్సిస్‌ ఈ బాధ్యతలు చేపట్టిన విషయం తెలిసిందే.

ప్రజల పోప్.. ఫ్రాన్సిస్

1938లో అర్జెంటీనాలో జన్మించిన ఫ్రాన్సిస్‌ .. దక్షిణ అమెరికా (South America) నుంచి ఈ పదవిని అందుకొన్న తొలి వ్యక్తిగా నిలిచారు.  ఫ్రాన్సిస్ ను ప్రజల పోప్‌ అంటారు. తరచూ సామాజిక అంశాలపైనా ఆయన మాట్లాడుతూ ఉంటారు. ఇక మరణానికి కొన్ని గంటల ముందు ఈస్టర్‌ పర్వదినాన భక్తులకు సందేశం ఇచ్చారు.  సంక్షోభాలతో రగులుతున్న గాజా (Israel Gaza War), ఉక్రెయిన్‌ (Ukraine Peace), కాంగో, మయన్మార్‌లలో శాంతి నెలకొనాలని పోప్ ఫ్రాన్సిస్ ఆకాంక్షించారు.

Deeply pained by the passing of His Holiness Pope Francis. In this hour of grief and remembrance, my heartfelt condolences to the global Catholic community. Pope Francis will always be remembered as a beacon of compassion, humility and spiritual courage by millions across the… pic.twitter.com/QKod5yTXrB

— Narendra Modi (@narendramodi) April 21, 2025

ప్రపంచ ప్రముఖుల సంతాపం

పోప్ ఫ్రాన్సిస్ మరణ వార్త విని ప్రపంచ దేశాల నేతలు, ప్రముఖులు సంతాపం ప్రకటిస్తున్నారు. భారత ప్రధాని నరేంద్ర మోదీ (PM Modi On Pope) పోప్ మరణం చాలా బాధాకరం అంటూ తన సంతాపాన్ని ఎక్స్ వేదికగా ప్రకటించారు. ఎన్నో కోట్ల మంది కరుణ, మానవత్వం, ఆధ్యాత్మిక ధైర్యానికి పోప్ ఫ్రాన్సిస్ ప్రతీకగా గుర్తుండిపోతారని మోదీ అన్నారు. పోప్ తో తాను భేటీ అయినప్పుడు అన్నివిధాలా,  సమ్మిళిత అభివృద్ధి విషయంలో నిబద్ధత నన్ను ప్రభావితం చేసిందని పేర్కొన్నారు. భారతీయులపై ఆయన అభిమానం ఎంతో విలువైందని ఈ సందర్భంగా మోదీ గుర్తు చేసుకున్నారు.

I just learned of the passing of Pope Francis. My heart goes out to the millions of Christians all over the world who loved him.

I was happy to see him yesterday, though he was obviously very ill. But I’ll always remember him for the below homily he gave in the very early days…

— JD Vance (@JDVance) April 21, 2025

ఆయన ప్రసంగాలు అద్భుతం

మరోవైపు అమెరికా వైస్ ప్రెసిడెంట్ జేడీ వాన్స్ (JD Vance) కూడా పోప్ మరణంపై సంతాపం వ్యక్తం చేశారు. పోప్ ఫ్రాన్సిస్ ను ఆయన నిన్నే కలిశానని తెలిపారు. కరోనా సమయంలో ఆయన ప్రసంగాలను తాను మరిచిపోలేనని.. అవి చాలా అద్భుతమైన జేడీ వాన్స్ గుర్తు చేసుకున్నారు. మరోవైపు పోప్‌ ఫ్రాన్సిస్‌ మరణానికి  ప్రపంచం సంతాపం తెలియజేస్తోందని.. విధివంచితుల విషయంలో ఆయన ప్రేమ, మానవత్వం కేథలిక్‌ ప్రపంచానికి వెలుపల కూడా కొన్ని లక్షల మందిని ప్రభావితం చేసిందని ఐరోపా సమాఖ్య అధ్యక్షురాలు ఉర్సులా వాన్ డెర్ లెయెన్ అన్నారు.