డార్లింగ్ ఫ్యాన్స్​కు గుడ్ న్యూస్.. ‘స్పిరిట్’ నుంచి సూపర్ అప్డేట్

పాన్ ఇండియా స్టార్ ప్రభాస్ (Prabhas) ప్రస్తుతం వరుస సినిమాలతో బిజీగా ఉన్నాడు. ఓవైపు మారుతి దర్శకత్వంలో ది రాజాసాబ్ (The Raja Saab) చేస్తూనే.. మరోవైపు హను రాఘవపూడితో ఇంకో చిత్రానికి గ్రీన్ సిగ్నల్ ఇచ్చాడు. ఈ సినిమా షూటింగు కూడా ప్రారంభమైంది. ఇవే కాకుండా డార్లింగ్ చేతిలో సందీప్ రెడ్డి వంగాతో స్పిరిట్, ప్రశాంత్ వర్మతో  బక (ప్రచారంలో ఉన్న టైటిల్) నాగ్ అశ్విన్ తో కల్కి-2, ప్రశాంత్ నీల్ తో సలార్-2 ఉన్నాయి.

స్పిరిట్ మూవీ లేటెస్ట్ అప్డేట్

అయితే ప్రస్తుతం ది రాజాసాబ్, హను రాఘవపూడి (Hanu Raghavapudi) సినిమాలపై ఫోకస్ పెట్టిన ప్రభాస్ ఈ రెండు సినిమాల షూటింగులో పాల్గొంటున్నట్లు సమాచారం. అయితే ఈ రెండు చిత్రాలు సెట్లో ఉండగానే మరో మూవీ సెట్ లో అడుగుపెట్టేందుకు రెడీ అయ్యాడట. సందీప్ రెడ్డి వంగ దర్శకత్వంలో వస్తున్న ‘స్పిరిట్ (Spirit)’ మూవీ షూటింగులో త్వరలో ప్రారంభం కానుందట. పవర్‌ఫుల్ పోలీస్ యాక్షన్ డ్రామాగా తెరకెక్కనున్న ఈ చిత్రం ప్రీ ప్రొడక్షన్ పనులు పూర్తి చేసుకుంది.

జూన్ నుంచి స్పిరిట్ షూట్

ఇక జూన్ నుంచి స్పిరిట్ రెగ్యులర్ షూటింగు ప్రారంభం కానున్నట్లు సమాచారం. ఈ మూవీలో ప్రభాస్ ను సందీప్ ఓ పవర్ ఫుల్ పోలీసు పాత్రలో చూపించనున్నారు. డార్లింగ్ మొదటి సారి ఖాఖీ యూనిఫామ్ లో కనిపించబోతుండటంతో ఈ చిత్రంపై అభిమానులు భారీగా అంచనాలు పెట్టుకున్నారు. ఇక యానిమల్ తో  ఊరమాస్ యాక్షన్ చూపించిన సందీప్ రెడ్డి (Sandeep Reddy Vanga).. డార్లింగ్ తో ఎంతటి యాక్షన్ చేయిస్తాడోనని ప్రభాస్ ఫ్యాన్స్ చాలా ఆసక్తిగా ఈ చిత్రం కోసం ఎదురుచూస్తున్నారు. త్వరలోనే మిగతా క్యాస్ట్, టెక్నికల్ టీమ్, స్టోరీ లైన్‌ పై చిత్రబృందం ప్రకటన చేయనున్నట్లు తెలిసింది.