admin
తెలంగాణ ప్రభుత్వం(Telangana Govt) అత్యం ప్రతిష్ఠాత్మకంగా తీసుకొచ్చిన ‘రాజీవ్ యువ వికాసం(Rajiv Yuva Vikasam)’ పథకం దరఖాస్తు ప్రక్రియ నేటితో ముగియనుంది. అయితే దరఖాస్తు(Apply) చేసే సమయంలో తీవ్ర సమస్యలు ఎదురవుతున్నయని గడువు పెంచాలని యువత(Youth) డిమాండ్ చేస్తున్నారు. ఈ పథకం కింద దరఖాస్తు చేసుకునేందుకు సర్కార్ ఏప్రిల్ 14 వరకూ అవకాశం ఇచ్చింది. కానీ గత మూడు రోజులుగా సర్వర్ డౌన్‌(Server Down) కారణంగా దరఖాస్తు చేసుకోవడం యువతకు కష్టంగా మారింది. ముఖ్యంగా గ్రామీణ ప్రాంతాల్లో ఇంటర్నెట్ సమస్యలు(Internet Issue) తీవ్రంగా ఉన్నాయి, దీని వల్ల అనేక మంది అప్లికేషన్ ప్రాసెస్ పూర్తి చేయలేకపోతున్నారు.
12 లక్షలకు పైగా దరఖాస్తులు
ఈ సమస్యల వల్ల దరఖాస్తు గడువును పొడిగించాలని యువత, స్థానిక నాయకులు కోరుతున్నారు. ఇప్పటివరకు 12 లక్షలకు పైగా దరఖాస్తులు(Applications) అందినట్లు అధికారులు తెలిపారు, అయితే సాంకేతిక లోపాల వల్ల ఇంకా ఎంత మంది దరఖాస్తు చేయలేకపోతున్నారో స్పష్టంగా తెలియడం లేదు. ఈ పథకం కింద SC, ST, BC, మైనారిటీ సామాజిక వర్గాల యువతకు స్వయం ఉపాధి కోసం ₹3 లక్షల వరకు ఆర్థిక సహాయం అందజేయనున్నారు, ఇందులో సబ్సిడీలు కూడా ఉన్నాయి.
ఎవరెవరికి ఎంత సాయం అందిస్తారంటే..
కాగా రాజీవ్ యువ వికాసం పథకం కింద ప్రభుత్వం చిరు వ్యాపారులకు, EBC (ఎకనామికలీ బ్యాక్‌వర్డ్ క్లాసెస్) వారికి 100 శాతం రాయితీతో రూ.50,000 వరకు రుణం అందిస్తోంది. లక్ష రూపాయల లోపు రుణం తీసుకుంటే, 90 శాతం రాయితీ ఇస్తారు. అంటే, రూ.లక్ష రుణం తీసుకుంటే, లబ్ధిదారుడు కేవలం రూ.10,000 మాత్రమే తిరిగి చెల్లిస్తే సరిపోతుంది. రూ.1 లక్ష నుంచి రూ.2 లక్షల మధ్య రుణం తీసుకుంటే, 80% రాయితీ లభిస్తుంది. ఉదాహరణకు, రూ.2,00,000 రుణం తీసుకుంటే, రూ.40,000 చెల్లిస్తే చాలు. రూ.2 లక్షల నుంచి రూ.4 లక్షల లోపు రుణాలకు 70% రాయితీ ఉంటుంది. అంటే, రూ.4,00,000 రుణం తీసుకుంటే, రూ.1,20,000 తిరిగి చెల్లించాలి. దరఖాస్తులు అధికారిక వెబ్‌సైట్‌ https://tgobmmsnew.cgg.gov.in లో అందుబాటులో ఉన్నాయి.
Desk
swarna boddula
