వార్-2 రొమాంటిక్ సాంగ్ రిలీజ్.. బికినీలో అదరగొట్టిన కియారా!

బాలీవుడ్‌లో ప్రస్తుతం హైప్ క్రియేట్ చేస్తున్న మూవీ ‘వార్ 2’(War 2). ఈ సినిమాలో ఎన్టీఆర్‌(NTR), హృతిక్ రోషన్(hrithik roshan) కీలక పాత్రల్లో నటిస్తున్నారు. భారీ యాక్షన్ ఎలిమెంట్స్‌తో రూపొందుతున్న ఈ చిత్రం, ఆగస్టు 14న హిందీతో పాటు తెలుగు, తమిళ భాషల్లో పాన్ ఇండియా స్థాయిలో విడుదల కానుంది. కాగా అభిమానులకు మేకర్స్ ఒక భారీ సర్ప్రైజ్‌ అందించారు. నేడు కియారా అద్వానీ పుట్టినరోజు సందర్భంగా, చిత్ర బృందం ‘ఊపిరి ఊయలాగా’ అనే ఓ రొమాంటిక్ వీడియో సాంగ్‌ను విడుదల చేసింది.

ఈ సాంగ్‌లో కియారా అద్వానీ బికినీ లుక్ ప్రేక్షకులను షాక్ కి గురిచేసింది. పాన్ ఇండియా స్థాయిలో ఆమె మొదటిసారి ఈ విధంగా బోల్డ్ లుక్‌లో కనిపించడం సినిమాపై ఆసక్తిని పెంచింది. ఆమె ఈ సాంగ్ లో కనిపించింది కొద్దిసేపే అయినప్పటికీ సోషల్ మీడియాను షేక్ చేసేసింది.

ఈ సాంగ్‌ను హిందీ వెర్షన్‌లో ఈ పాటకు అమితాబ్ భట్టాచార్య లిరిక్స్ రాయగా, అర్జిత్ సింగ్, నిఖితా గాంధీ స్వరాలు అందించారు. సంగీతాన్ని ప్రీతమ్ అందించగా, ఇది చాలా రొమాంటిక్‌ ఫీలింగ్‌తో ప్రేక్షకులను ఆకట్టుకునేలా ఉంది. గతంలో ఇదే కాంబినేషన్ ‘బ్రహ్మాస్త్ర’ మూవీలో ‘కేసరియా’ సాంగ్‌తో భారీ హిట్ కొట్టిన సంగతి తెలిసిందే. యశ్ రాజ్ ఫిల్మ్స్‌పై ఆదిత్య చోప్రా ఈ చిత్రాన్ని నిర్మిస్తుండగా, సినిమా విడుదలకు ముందే ప్రమోషనల్ కంటెంట్‌ బాగా వైరల్ అవుతోంది.