adminMana Enadu : ‘ఆర్ఆర్ఆర్’ సినిమాతో గ్లోబల్ స్టార్ గా పేరు తెచ్చుకున్న మ్యాన్ ఆఫ్ మాసెస్ ఎన్టీఆర్ ఆరేళ్ల తర్వాత దేవర (Devara)తో ప్రేక్షకుల ముందుకు వచ్చారు. ఇటీవల విడుదలైన ఈ సినిమా సూపర్ హిట్ టాక్ తో, అదిరిపోయే కలెక్షన్లతో దూసుకెళ్తోంది. పలుచోట్ల మిక్స్ డ్ టాక్ వచ్చినా.. తారక్ (NTR) ఫ్యాన్స్ మాత్రం ఈ సినిమాను విపరీతంగా ఆదరిస్తున్నారు. ఓవర్సీస్ తో పాటు దేశవ్యాప్తంగా ఈ సినిమా మంచి కలెక్షన్లను రాబడుతోంది. ఇక దేవర సక్సెస్ జోష్ లో ఉన్న ఎన్టీఆర్ తన తదుపరి సినిమాలపైన ఫోకస్ పెడుతున్నాడు.
ప్రశాంత్ నీల్ – ఎన్టీఆర్ సినిమా
అయితే ఎన్టీఆర్ దేవర తర్వాత సలార్ ఫేం ప్రశాంత్ నీల్ (Prashant Neel) తో ఓ సినిమా చేయబోతున్నట్లు తెలిసిందే. అయితే తాజాగా ఈ సినిమా ఓ అప్డేట్ తారక్ ఫ్యాన్స్ ను తెగ ఖుష్ చేస్తోంది. త్వరలోనే ఈ చిత్రం సెట్స్ పైకి వెళ్లనుందట. ఇక పక్కా యాక్షన్ ఎంటర్టైనర్ గా ఈ చిత్రాన్ని ప్రశాంత్ నీల్ తెరకెక్కించనున్నాడట. సాధారణంగానే ప్రశాంత్ నీల్ సినిమాల్లో హీరోకు ఎలివేషన్స్ ఎక్కువ. ఇక ఎన్టీఆర్ హీరోగా నటిస్తున్నాడంటే ఆ ఎలివేషన్ ఏ రేంజులో ఉంటుందోనని తారక్ ఫ్యాన్స్ చాలా ఆసక్తిగా ఎదురుచూస్తున్నారు.
తారక్ సినిమాలో ఆ హీరోయిన్
అయితే తాజాగా ఈ సినిమాలో హీరోయిన్ ఫైనల్ అయినట్లు ఓ వార్త నెట్టింట చక్కర్లు కొడుతోంది. ఆ బ్యూటీ కన్నడ ఇండస్ట్రీకి చెందిన అమ్మాయేనట. కన్నడ భామే అయినా ఈ బ్యూటీ తెలుగు ప్రేక్షకులకు కూడా సుపరిచతమేనట. తన నటనకు తెలుగు ప్రేక్షకులకు కూడా ఇప్పటికే ఫిదా అయ్యారట. ఇంతకీ ఆ భామ ఎవరంటే శాండల్ వుడ్ తో పాటు టాలీవుడ్ లోనూ సూపర్ హిట్ టాక్ అందుకున్న ‘సప్త సాగరాలు దాటి’ సినిమాతో అలరించిన నటి రుక్మిణి వసంత్ (Rukmini Vasanth).
— rukmini (@rukminitweets) September 11, 2024
ఎన్టీఆర్ సినిమాకు గ్రీన్ సిగ్నల్ ఇచ్చిన ఆమె
ప్రశాంత్ నీల్ టీమ్ ఇప్పటికే రుక్మిణి వసంత్తో చర్చలు కూడా జరిపిందట. ఈ సినిమాకు రుక్మిణి కూడా గ్రీన్ సిగ్నల్ ఇచ్చినట్లు సోషల్ మీడియాలో ప్రచారం సాగుతోంది. ఇందులో నిజమెంతో అధికారిక ప్రకటన వచ్చే వరకు తెలియదు. ఇకపోప్రశాంత్ నీల్ – ఎన్టీఆర్ (NTR Prashant Neel Movie) సినిమాను మైత్రీ మూవీకర్స్, ఎన్టీఆర్ ఆర్ట్స్ కలిసి నిర్మిస్తున్నాయి.
Mysuru in habba szn is an emotion #YuvaSambhrama for #Bagheera pic.twitter.com/PPbjP6FyIo
— rukmini (@rukminitweets) September 25, 2024
తారక్ నీల్ సినిమా స్టోరీ ఇదే
ఈ సినిమా కథ గురించి గతంలో ప్రశాంత్ నీల్ మాట్లాడుతూ – తను, ఎన్టీఆర్ (NTR Latest Movie) కాంబోలో ఓ సినిమా చేస్తున్నామంటే అంతా యాక్షన్ ఫిల్మ్ తీస్తున్నామని అనుకుంటారని అన్నారు. కానీ తారక్ తో ఆ జానర్ లో తాను సినిమా తీయాలని అనుకోవడం లేదని తెలిపారు. ఎన్టీఆర్ ఎమోషనల్ సీన్లలో నటించడంలో దిట్ట అన్న విషయం అందరికీ తెలిసిందేనని.. అందుకే భిన్నమైన భావోద్వేగాలతో ఈ సినిమా ఉండబోతోందని ప్రశాంత్ నీల్ ఈ చిత్రం గురించి చెప్పుకొచ్చారు.
Desk
swarna boddula
