విద్యార్థులకు బిగ్ అలర్ట్.. త్వరలోనే ‘పది’ ఫలితాలు

తెలంగాణ విద్యార్థులకు బిగ్ అలర్ట్. త్వరలోనే పదో తరగతి పరీక్షల ఫలితాలు (Telangana SSC Results 2025) విడుదల కానున్నాయి. ఇవాళ (ఏప్రిల్ 29వ తేదీ 2025) రిజల్ట్స్ రిలీజ్ డేట్ పై క్లారిటీ రానుంది. ఇప్పటికే ఫలితాలు విడుదలకు సిద్ధంగా ఉన్నాయని.. విద్యాశాఖ అధికారులు ప్రభుత్వ దృష్టికి తీసుకువెళ్లారు. సబ్జెక్టుల వారీగా ఇంటర్నల్ మార్కులు, ఎక్స్‌టర్నల్ మార్కులు, మొత్తం మార్కులతో SSC పాస్ సర్టిఫికెట్ జారీ చేయడానికి తెలంగాణ ప్రభుత్వం అనుమతి కూడా ఇచ్చింది.

ఫలితాలపై ఇవాళే క్లారిటీ 

ఈ నేపథ్యంలో త్వరలోనే పదో తరగతి ఫలితాలు (TG 10th Results) విడుదల కానున్నాయి. ఏప్రిల్ 30వ తేదీన ఫలితాలు విడుదల చేసేందుకు అధికారులు రెడీగా ఉన్నట్లు సమాచారం. అయితే ఫలితాలు రేపే విడుదల చేస్తారా.. మరే రోజైన రిలీజ్ చేస్తారా అనేది ఇవాళ అధికారికంగా ప్రకటించే అవకాశం ఉంది.  మార్చి 21వ తేదీ నుంచి ఏప్రిల్ 4వ తేదీ వరకు పదో తరగతి పరీక్షలు జరిగిన విషయం తెలిసిందే. ఈ పరీక్షలకు సుమారు 5 లక్షల మంది విద్యార్థులు హాజరయ్యారు.