Desk
తెలంగాణలో పదో తరగతి పరీక్షా ఫలితాలు(TG 10th Class Results) రేపు మధ్యాహ్నం (ఏప్రిల్ 30) ఒంటిగంటకు హైదరాబాద్‌లోని రవీంద్ర భారతిలో సీఎం రేవంత్ రెడ్డి(CM Revanth Reddy) విడుదలచేయనున్నారు. పదో తరగతి పబ్లిక్ పరీక్షలతో పాటు ఓపెన్ స్కూల్ పదో తరగతి(TG Open School 10th Results), ఓపెన్ స్కూల్ ఇంటర్ ఫలితాల(Open School Inter Results)ను సైతం విడుదల చేయనున్నారు. అభ్యర్థులు తమ ఫలితాలను https://bse.telangana.gov.in ద్వారా తెలుసుకోవచ్చు. ఈ ఏడాది పబ్లిక్ పరీక్షలకు దాదాపు 5 లక్షల మందికి పైగా విద్యార్థులు హాజరయ్యారని ప్రభుత్వ పరీక్షల విభాగం వెల్లడించింది.
ఈసారి మెమోల విధానంలో..
కాగా ఈ ఏడాది మార్చి 21 నుంచి ఏప్రిల్ 4 వరకు రాష్ట్రవ్యాప్తంగా పదో తరగతి పరీక్షలు(TG SSC Board Exams 2025) నిర్వహించారు. కాగా ఈ సంవత్సరం నుంచి పదో తరగతి మార్కుల మెమో(Memo’s)ల విధానంలో ప్రభుత్వం కొన్ని ముఖ్యమైన మార్పులు చేసింది. గతంలో కేవలం సబ్జెక్టుల వారీగా గ్రేడ్లు, CPGA మాత్రమే ఇచ్చేవారు. అయితే, ఇక నుంచి విద్యార్థులకు సబ్జెక్టుల వారీగా రాత పరీక్షలు, ఇంటర్నల్ అసెస్‌మెంట్ మార్కుల(Internal assessment marks)ను విడివిడిగా చూపించడంతో పాటు, మొత్తం మార్కులు, గ్రేడ్లను కూడా మెమోలో పొందుపరచనున్నారు. అలాగే, విద్యార్థి ఉత్తీర్ణత (PASS/FAIL) వివరాలను కూడా స్పష్టంగా పేర్కొంటారు.
ఆ నాలుగు విభాగాలకూ మార్కులే..
వీటితోపాటు బోధనేతర కార్యక్రమాల్లో (Co-curricular Activities) విద్యార్థుల ప్రతిభకు కూడా గ్రేడ్లు ఇవ్వనున్నారు. వాల్యూ ఎడ్యుకేషన్ అండ్ లైఫ్ ఎడ్యుకేషన్, ఆర్ట్ అండ్ కల్చరల్ ఎడ్యుకేషన్, వర్క్ అండ్ కంప్యూటర్ ఎడ్యుకేషన్, ఫిజికల్ అండ్ హెల్త్ ఎడ్యుకేషన్ వంటి నాలుగు విభాగాలకు సంబంధించిన గ్రేడ్లను కూడా మార్కుల మెమోలో ముద్రించనున్నట్లు అధికారులు తెలిపారు.
admin
swarna boddula
