adminManaEnadu:మెగాస్టార్ చిరంజీవి పుట్టిన రోజు సందర్భంగా ఆగస్టు 22వ తేదీన ఇంద్ర సినిమాను రీ రిలీజ్ చేస్తున్న విషయం తెలిసిందే. ఈ సందర్భంగా ఆ సినిమా రూపొందించిన నిర్మాణ సంస్థ వైజయంతీ మూవీస్ ఇంద్ర చిత్రానికి సంబంధించి తరచూ ఓ అప్డేట్ ఇస్తోంది. తాజాగా ఈ సినిమాలో చిరు-ఆర్తి అగర్వాల్ మధ్య వచ్చే అమ్మడూ అప్పచ్చీ పాట మేకింగ్ వీడియోను రిలీజ్ చేసింది. ఈ వీడియో ఇప్పుడు నెట్టింట బాగా వైరల్ అవుతోంది.
స్పెషల్ అట్రాక్షన్ గా మెగా పవర్ స్టార్..
ఈ వీడియోలో అమ్మడూ అప్పచ్చీ సాంగ్ ను షూట్ చేస్తున్నట్టు కనిపిస్తోంది. ఇంద్ర సినిమా సమయంలో మెగాస్టార్ చాలా హ్యాండ్సమ్ గా ఉన్నారని ఈ వీడియో చూస్తుంటే అర్థమైపోతుంది. ఇక ఈ పాటకు రాఘవ లారెన్స్ కొరియోగ్రఫీ చేశారు. సెట్ లోనే స్టెప్పులు చేసి చూయిస్తుంటే చిరు వెంటనే ఆ స్టెప్స్ నేర్చేసుకుని సాంగ్ షూటింగ్ లో పాల్గొన్నట్టు వీడియోలో కనిపిస్తోంది. ఇక ఈ వీడియోలో స్పెషల్ అట్రాక్షన్ మెగాపవర్ స్టార్ రామ్ చరణ్, వైష్ణవ్ తేజ్ కనిపించారు.
వైష్ణవ్ తేజ్ ను చూశారా..
చిరంజీవి హాలిడేస్ సమయంలో తన పిల్లలను షూటింగ్ స్పాట్ కు తీసుకెళ్లేవాడినని చాలా సార్లు చాలా ఇంటర్వ్యూల్లో చెప్పిన విషయం తెలిసిందే. ఈ నేపథ్యంలో ఈ పాట షూటింగ్ సమయంలో కూడా చిరు వెంట ఆయన పిల్లలున్నట్లు కనిపిస్తోంది. చిరు డ్యాన్స్ చేస్తుంటే రామ్ చరణ్ అలా చూస్తూనే ఉండిపోయినట్లు ఈ వీడియోలో చూడొచ్చు. ఇక వైష్ణవ్ తేజ్ కూడా చిరు స్టెప్స్ కి మెస్మరైజ్ అయిపోయాడు. ప్రస్తుతానికి ఈ వీడియో నెట్టింట బాగా ట్రెండ్ అవుతోంది.
ఇక ఇంద్ర సినిమా సంగతికి వస్తే ఇది చిరంజీవి సినిమాలోనే బ్లాక్ బస్టర్ హిట్. చిరుకి పెద్ద కమర్షియల్ హిట్ అందించిన సినిమా ఇది. ఈ సినిమాను బి గోపాల్ తెరకెక్కించారు. వైజయంతీ మూవీస్ బ్యానర్ పై అశ్వినీదత్ నిర్మించారు. ఇందులో చిరుకు జోడీగా సొనాలీ బింద్రే, ఆర్తి అగర్వాల్ నటించారు. ప్రకాశ్ రాజ్, ఆహుతి ప్రసాద్, తనికెళ్ల భరణి, బ్రహ్మానందం కీలక పాత్రల్లో నటించారు.
swarna boddula
Desk
