తలైవా ఫ్యాన్స్​కు పిచ్చెక్కించే న్యూస్.. శివాజీ ది బాస్ రీ రిలీజ్

ManaEnadu:“నాన్నా.. పందులే గుంపులుగా వస్తాయి. సింహం సింగిల్​గా వస్తుంది”. ‘నువ్వు చనిపోయే రోజు తెలిస్తే.. నీకు రోజూ నరకమే’. ‘శివాజీ.. ది గుండు బాస్’. ఇప్పటికే అర్థమైపోయి ఉంటుంది కదూ ఏ సినిమా గురించి మాట్లాడుకుంటున్నామో. ఇంకేం సినిమా తమిళ సూపర్ స్టార్, తలైవా రజనీకాంత్ (Rajinikanth) నటించిన శివాజీ-ది బాస్ చిత్రం గురించి.

రజనీకాంత్ సినిమా కెరీర్​లోనే శివాజీ (Sivaji: The Boss) సినిమా ఓ సెన్సేషన్. అపరిచుతుడు వంటి బ్లాక్ బస్టర్ హిట్ కొట్టిన తర్వాత దర్శకుడు శంకర్ తెరకెక్కించిన చిత్రమే శివాజీ. 2007లో విడుదలై తెలుగు, తమిళంలో విపరీతంగా ప్రేక్షకులను ఆకట్టుకుంది. బాక్సాఫీస్ వద్ద తలైవాకు కాసుల వర్షం కురిపించింది. ఈ సినిమాలో డైలాగ్స్, పాటలు అన్నీ సూపర్ హిట్టే.

ఈ చిత్రంలో శివాజీగా, గుండు బాస్​గా తలైవా (Thalaiva) యాక్టింగ్ అదుర్స్. గుండుతో చేసిన క్యారెక్టర్​కు అయితే క్రేజీ అభిమానులున్నారు. ఇక ”నాన్న పందులే గుంపులుగా వ‌స్తాయి. సింహం సింగిల్‌గా వ‌స్తుంది అనే డైలాగ్ చెప్పగానే థియేటర్లలో టాప్ లేచిపోయిందనుకోండి. ఇప్పుడు మరోసాటి టాప్ లేపేందుకు ఈ చిత్రం రెడీ అవుతోంది.

శివాజీ – ది బాస్ (Sivaji Re Release) మూవీ రీ రిలీజ్ చేసేందుకు మేకర్స్ రెడీ అవుతున్నారని. అయితే ఇప్పటికే రీ రిలీజ్ చేస్తామని నాలుగు సార్లు ప్రకటించి వాయిదా వేసిన విషయం తెలిసిందే. తాజాగా సెప్టెంబరు 20వ తేదీన ఈ చిత్రం రీ రిలీజ్ కాబోతోందని నెట్టింట వార్తలు వైరల్ అవుతున్నాయి. ఈ సినిమా టికెట్ కూడా కేవలం రూ.99. అయితే దీనిపై అధికారిక ప్రకటన రావాల్సి ఉంది.

#Sivaji4K pic.twitter.com/Vo4jp8B4rI

— Aakashavaani (@TheAakashavaani) September 10, 2024