adminManaEnadu: సహనం(Patience) జ్ఞానాన్ని పెంచేందుకు సహకరిస్తుందని చెప్పడంలో ఎలాంటి సందేహం లేదు. ఇదే సహనాన్ని కీలకమైన సమయం(Time)లో కోల్పోతే భారీ మూల్యం చెల్లించుకోక తప్పదని పెద్దలు అంటుంటారు. అందుకే ఎప్పుడూ సహనంతో ఉండాలని పెద్దలు కూడా హితబోధ చేస్తుంటారు. తాజాగా ఓ వ్యక్తి ఈ సహనమే కోల్పోయాడు. ఓలా ఎలక్ట్రిక్ స్కూటర్(Ola Electric Scooter) కొన్ని కస్టమర్(Customer) దాని పనితీరుపై విరక్తి చెందాడు. ఇంకేముంది ఏకంగా షోరూమ్(Showroom)నే తగలబెట్టేశాడు. ఇంతకి ఈ ఘటన ఎక్కడ జరిగింది. ఎందుకు జరిగింది? అనే పూర్తి వివరాలు తెలుసుకుందామా..
ఎన్నిసార్లు ఫిర్యాదు చేసినా పట్టించుకోలేదు: నదీమ్
కర్ణాటక(Karnataka) కలబుర్గిలో మహమ్మద్‌ నదీమ్(Mohammad Nadeem) అనే వ్యక్తి August 28న ఓలా షోరూమ్‌లో రూ. 1.4 లక్షల విలువైన ఎలక్ట్రిక్ స్కూటర్‌ను కొనుగోలు చేశాడు. అయితే అది కొన్న రెండు రోజుల్లోనే సమస్యలు మొదలయ్యాయట. స్కూటర్ బ్యాటరీ(Battery), సౌండ్ సిస్టమ్‌లో టెక్నికల్ సమస్య తలెత్తింది. ఇంకేముంది బైక్ మాటిమాటికి ఆగిపోవడం మొదలెట్టింది. కొన్నిసార్లు అది ఆన్ కూడా అయ్యేది కాదట. ఈ విషయంపై ఆ సంస్థ అధికారులకు చాలా సార్లు కాల్స్, ఆన్ లైన్, మెయిల్ ద్వారా ఫిర్యాదు కూడా చేశాడట. అయితే ఎలాంటి రెస్పాన్స్(No response) లేదు. దీంతో ఓలా షోరూమ్‌కు వెళ్లి అక్కడి అధికారులకు సమస్య విన్నవించాడు. అయినా వారూ తన సమస్యను సరిగా పట్టించుకోలేదని బాధితుడు వాపోయాడు.
సిబ్బంది నిర్లక్ష్య వైఖరితోనే ఇలా
ఇలా రోజుల గడుస్తున్నా షోరూం వారు కూడా సరిగా స్పందించడం మానేశారు. దీంతో నదీమ్ ఆగ్రహం వ్యక్తం చేశాడు. రూ.లక్షకు పైగా ఖర్చు చేసినా కూడా నాసిరకం స్కూటర్‌ను ఇవ్వడంతో తీవ్ర మనస్తాపానికి గురయ్యాడు. తన టూవిలర్‌(Two Wheeler)ను సరైన సమాయానికి రిపేర్ చేయలేదని కస్టమర్ సపోర్టు ఎగ్జిక్యూటివ్‌(Customer Support Excutive)తో వాగ్వాదానికి దిగాడు. సిబ్బంది నిర్లక్ష్యంతో విసుగు చెందిన నదీమ్.. ఏకంగా పెట్రోల్ పోసి కంపెనీ షోరూమ్‌కు నిప్పంటించాడు. షోరూమ్ మొత్తం మంటలు వ్యాపించడంతో ఆరు స్కూటర్లు, కంప్యూటర్‌లు ధ్వంసమయ్యాయి. అయితే అదృష్టవశాత్తు ఆ సమయంలో షోరూమ్ మూసివేయడంతో ఎలాంటి ప్రాణ నష్టం జరగలేదు. కానీ, షోరూమ్‌కు నిప్పు పెట్టడంతో రూ.8.5 లక్షల నష్టం వాటిలినట్లుగా తెలిసింది. సమాచారం అందుకున్న పోలీసులు(Police) నిందితుడు నదీమ్‌ను అరెస్ట్‌ చేశారు. కేసు నమోదు చేసి దర్యాప్తు చేస్తున్నారు. ఈ ఘటనకు సంబంధించిన వీడియో సోషల్ మీడియాలో(Social Media) వైరల్ అవుతోంది.
తన స్కూటర్ రిపేర్ చేయలేదని ఓలా షోరూంను పెట్రోల్ పోసి తగలబెట్టిన యువకుడు..
కర్ణాటకలోని కలబురగిలో ఓ యువకుడు 20 రోజుల క్రితం కొన్న స్కూటర్‌లో సమస్యలు రావడంతో రిపేర్ కోసం షోరూం స్టాఫ్‌ను సంప్రదించాడు. ఎన్ని సార్లు వెళ్లినా అక్కడి స్టాఫ్ నిర్లక్ష్యంగా వ్యవహరించడంతో ఆగ్రహానికి గురై,… pic.twitter.com/EDybcPJIOW— ChotaNews (@ChotaNewsTelugu) September 11, 2024
Desk
swarna boddula
