ManaEnadu:బాలీవుడ్ స్టార్ కిడ్ జాన్వీ కపూర్.. అతిలోకసుందరి శ్రీదేవి తనయగా ఇండస్ట్రీలోకి అడుగు పెట్టినా తన టాలెంట్తో అవకాశాలు సొంతం చేసుకుంటోంది. మిగతా స్టార్ కిడ్స్లా కాకుండా జాన్వీ వర్సటైల్ సినిమాలు చేస్తోంది. ప్రతి సినిమా డిఫరెంట్ జానర్లో ఉండేలా జాగ్రత్త పడుతోంది. అందుకే ఈ భామ సినిమాలకు సక్సెస్ రేట్ కాస్త ఎక్కువగా ఉంది. ఇక ఇటీవలే ఈ బ్యూటీ ఉలఝ్ సినిమాతో ప్రేక్షకుల ముందుకు వచ్చింది. మరో నాలుగైదు చిత్రాలతో బిజీబిజీగా గడుపుతోంది.
ఇక బాలీవుడ్లోనే కాదు టాలీవుడ్లోనూ జాన్వీ వరుస అవకాశాలు దక్కించుకుంటోంది. ఒక్క సినిమా కూడా రిలీజ్ కాకముందే ఈ బ్యూటీ ముందు అరడజనుకుపైగా అవకాశాలు వచ్చాయి. ఇప్పటికే పాన్ ఇండియా స్టార్ ఎన్టీఆర్తో కలిసి దేవర, గ్లోబల్ స్టార్ రామ్ చరణ్తో బుచ్చిబాబు దర్శకత్వంలో రాబోతున్న మరో సినిమాలో ఛాన్స్ కొట్టేసింది. మరోవైపు నానితో కూడా ఓ చిత్రంలో నటించే అవకాశం కొట్టేసిందని టాక్.
తాజాగా దీనిపై నాని స్పందించాడు. సరిపోదా శనివారం సినిమా ప్రమోషన్స్ కోసం ముంబయి వెళ్లిన నాని అక్కడ ఓ ఇంటర్వ్యూలో పాల్గొన్నారు. ఈ క్రమంలో తన నెక్స్ట్ మూవీలో జాన్వీ నటిస్తోందన్న వార్తల గురించి హోస్టు ప్రశ్నించగా.. అది కేవలం రూమర్ మాత్రమే అని నాని క్లారిటీ ఇచ్చాడు. అయితే ఆమెను సినిమాలో తీసుకోవడం కోసం చర్చలు జరుగుతూ ఉండొచ్చని చెప్పాడు. ప్రస్తుతం ఆ సినిమాకు సంబంధించి స్క్రిప్టు వర్క్ జరుగుతోందని తెలిపాడు. తాను కొన్ని రోజులుగా వరుస షూటింగులతో బిజీగా ఉండటం వల్ల ఆ సినిమా గురించి అప్డేట్స్ ఏం తెలుసుకోలేకపోయానని వెల్లడించాడు. ఒకవేళ నాని తర్వాత సినిమాకు జాన్వీ గ్రీన్‌ సిగ్నల్ ఇస్తే తెలుగులో ఆది ఆమెకు మూడో సినిమా అవ్వబోతోంది.
ఇక సరిపోదా శనివారం సినిమా సంగతికి వస్తే నాని నటిస్తున్న ఈ సినిమాకు వివేక్‌ ఆత్రేయ దర్శకత్వం వహించాడు. ప్రియాంక అరుళ్‌ మోహన్‌ హీరోయిన్గా నటిస్తుండగా.. ఎస్‌జే సూర్య కీలక పాత్రలు పోషిస్తున్నారు. డీవీవీ దానయ్య నిర్మాణంలో వస్తున్న ఈ సినిమా ఆగస్టు 29 ప్రేక్షకుల ముందుకు రానుంది. ఈ క్రమంలోనే ప్రమోషన్స్లో చిత్రబృందం బిజీబిజీగా ఉంది.
