Desk
మర్డర్ మిస్టరీ థ్రిల్లర్లు .. ఇన్వెస్టిగేటివ్ థ్రిల్లర్ల(Investigative thrillers)కు OTTలలో ఇప్పుడు విశేషమైన ఆదరణ లభిస్తోంది. అదే విషయాన్ని ‘పుణే హైవే(Pune Highway)’ సినిమా మరోసారి నిరూపిస్తోంది. భార్గవ కృష్ణ – రాహుల్(Bhargava Krishna-Rahul) దర్శకత్వం వహించిన ఈ సినిమా మే 23వ తేదీన థియేటర్లలో విడుదలైంది. థియేటర్ల వైపు నుంచి ఫరవాలేదని అనిపించుకున్న ఈ సినిమా, ఈ నెల 4వ తేదీ నుంచి ‘నెట్ ఫ్లిక్స్(Netflix)’లో దూసుకుపోతోంది. అమిత్ సాద్, జిమ్ సరబ్, అనువాబ్ పాలా & మంజరి ఫడ్నిస్ కీలక పాత్రల్లో నటించారు.
కథేంటంటే..
ముంబై(Mumbai)కి చాలా దూరంలోని ఒక చెరువులో ఒక యువతి మృత దేహం లభిస్తుంది. ఆమె పేరు మోనా(Mona) అని విచారణలో తేలుతుంది. అయితే అది హత్యనా .. ఆత్మహత్యనా అనేది తేల్చడానికి CI ప్రభాకర్ రంగంలోకి దిగుతాడు. అతని ఇన్వెస్టిగేషన్(Investigation) ఒక నలుగురు వ్యక్తుల దగ్గర ఆగుతుంది. ఆ నలుగురు కూడా మంచి స్నేహితులు. మోన హత్య కేసులో వాళ్లను ఆ పోలీస్ ఆఫీసర్ అనుమానిస్తాడు. ఆ నలుగురు స్నేహితులకు నిజంగానే మోనాతో సంబంధం ఉంటుందా? వాళ్లే ఆమెను హత్య చేశారా? మోనా హత్య ఆ నలుగురి జీవితాలను ఎలా ప్రభావితం చేస్తుంది? అనేది మిగతా కథ. ఇలా అనూహ్యమైన మలుపులతో ఈ కథ పరిగెడుతూ ఉంటుంది. అందువల్లనే థ్రిల్లర్ జోనర్(Thriller genre) సినిమాలను ఇష్టపడేవారు నుంచి ఈ సినిమాకి ఎక్కువ మార్కులు పడుతున్నాయి. ప్రస్తుతం హిందీ(Hindi) ఆడియోలో మాత్రమే అందుబాటులో ఉంది. త్వరలోనే ఇతర భాషలలోకి రానుంది.
admin
swarna boddula
