శుభలగ్నం సినిమా కథ చాలా మందికి తెలిసే ఉంటుంది . ఆ సినిమాలో డబ్బు కోసం భార్య.. తన భర్తను అమ్మేస్తుంది. ఆ సమయంలో.. “మంగళ సూత్రం అంగడి సరుకా… కొనగలవా చెయ్యి జారాకా” అనే ఫంక్తులతో వచ్చిన ఒక పాట ఇప్పటికీ వన్ ఆఫ్ ది తెలుగు సూపర్ హిట్ సాంగ్. తాజాగా నిజజీవితంలోకూడా అలాంటి ఘటన కర్ణాటకలో జరిగింది.
స్థానికంగా ఉండే ఒక మహిళతో తన భర్త సన్నిహితంగా ఉన్నాడని ఆ గృహిణి తెలుసుకుది. వారిద్దరూ ఏకాంతంగా గడుపుతుండగా పట్టుకుని అందిరిముందే కడిగేసింది. గొడవ పంచాయితీ వరకు వెళ్లడంతో భర్తకు సన్నిహితంగా ఉన్న మహిళ నీ భర్త రూ.5లక్షలు తన వద్ద తీసుకున్నాడని ఆ మొత్తం చెల్లించాలని డిమాండ్ చేసింది. డబ్బులు చెల్లించాకే భర్తను తీసుకెళ్లాలని తెలిపింది. అలాంటి భర్త నాకేమీ వద్దని, నాకే రూ.5 లక్షల మనోవర్తి ఇచ్చి, అతన్ని నువ్వే ఉంచుకోవాలని ఆ ఇల్లాలు చెప్పింది. ఆ నగదు ఇచ్చేందుకు ఒక నెల సమయం ఇస్తే ఆ నగదు ఇస్తానని ఆ మహిళ చెప్పింది. అందుకు ఆ గృహిణి అంగీకరించింది. వీరిద్దరూ చేసుకున్న రాజీ ఒప్పందం చూసి పంచాయితీ ప్రతినిధులు, గ్రామస్థులు ఆశ్చర్యపోయారు.
