చిన్న సినిమాలు, రీ రిలీజ్ లు.. ఈ వారం సందడే సందడి

గత వారం ‘కోర్ట్ (Court)’ సినిమా రిలీజ్ అయి బాక్సాఫీస్ వద్ద కాసుల వర్షం కురిపిస్తోంది. ఇక ఈ వారం కూడా తమ అదృష్టం పరీక్షించుకునేందుకు, ప్రేక్షకులను మైమరిపించేందుకు చిన్న సినిమాలు రెడీగా ఉన్నాయి. ఈ వారం కూడా థియేటర్లలో సిన్న సిత్రాలే సందడి చేయనున్నారు. గతవారం కోర్ట్ సినిమాతో నిర్మాతగా థియేటర్ కు వచ్చిన నాని ఈ వారం ఆయన నటించిన ఎవడే సుబ్రహ్మణ్యం (Yevade Subramanyam) చిత్రంతో మరోసారి థియేటర్లో సందడి చేయనున్నాడు. మరోవైపు అలరించే సినిమాలతో, అద్భుతమైన వెబ్ సిరీస్ లతో ఓటీటీలు కూడా రెడీ అయ్యాయి. మరి ఈ వారం థియేటర్, ఓటీటీలో సందడి చేసే సినిమా సంగతులు చూద్దామా..?

చిన్న సినిమాల హవా

స్టార్ హీరోల సినిమాలు వాయిదాల మీద వాయిదాలు పడుతుండటం చిన్న సినిమాలకు కలిసి వస్తోంది. గత రెండు మూడు వారాల నుంచి థియేటర్లలో చిన్న సినిమాల హవాయే సాగుతోంది. ఈ వారం కూడా థియేటర్లలో చిన్న సినిమాలే రిలీజ్ కానున్నాయి. ఆది సాయికుమార్ (Aadi Saikumar), అవికా గోర్ నటించిన షణ్ముఖ, సప్తగిరి పెళ్లి కాని ప్రసాద్ (Pelli Kani Prasad), అనగనగా ఆస్ట్రేలియాలో, ఆర్టిస్ట్, ది సస్పెక్ట్, వంటి చిన్న సినిమాలతో పాటు నేచురల్ స్టార్ నాని మూవీ ఎవడే సుబ్రహ్మణ్యం, ప్రభాస్ సలార్ (Prabhas Salaar) వరకు ఈ వారం థియేటర్లో రిలీజ్ అయ్యే సినిమాలు ఏంటో ఓ లుక్కేద్దాం.