adminManaEnadu:ప్రముఖ నటుడు సిద్ధార్థ్, నటి అదితీ రావు హైదరీ కొంతకాలంగా ప్రేమలో ఉన్న విషయం తెలిసిందే. తాజాగా ఈ జంట ఇరు కుటుంబాల పెద్దల సమక్షంలో ఒక్కటైంది. తెలంగాణలోని వనపర్తిలోని దేవాలయంలో వీరి వివాహం జరిగింది. దీనికి సంబంధించిన ఫొటోలను ఈ జంట సోషల్ మీడియా వేదికగా అభిమానులతో షేర్ చేసుకుంది. ఈ ఫొటోలు చూసి నెటిజన్లు ఫిదా అవుతున్నారు. నూతన జంటకు శుభాకాంక్షలు చెబుతున్నారు. క్యూట్ కపుల్, పవర్ కపుల్, బ్యూటీఫుల్ కపుల్ అంటూ ప్రశంసలు కురిపిస్తున్నారు. హ్యాపీ మ్యారిడ్ లైఫ్ అంటూ విషెస్ చెబుతున్నారు.
గత కొంతకాలంగా ఈ జంట ప్రేమలో ఉన్న విషయం తెలిసిందే. ఇటీవలే వనపర్తి ఆలయంలోనే ఈ జంట సీక్రెట్గా నిశ్చితార్థం చేసుకుంది. అప్పుడే వీరి పెళ్లి జరిగినట్లు వార్తలు వచ్చాయి. కానీ ఎంగేజ్మెంట్ చేసుకున్నట్లు ఈ జంట సోషల్ మీడియా వేదికగా వెల్లడించింది. త్వరలోనే వివాహ డేట్ చెబుతామని తెలిపింది. ఇప్పుడు సడెన్గా ఈ జంట అతికొద్ది మంది అతిథుల సమక్షంలో దైవసాక్షిగా ఒక్కటైంది. అదితీరావు హైదరీ వనపర్తి సంస్థానానికి యువరాణి అన్న విషయం తెలిసిందే. ఈ ప్రాంతంతో ఆమెకు చాలా అనుబంధం ఉంది. అందుకే తనకు ఎంతో ఇష్టమైన ప్రాంతంలో తన జీవితంలో మరో కొత్త అధ్యాయాన్ని మొదలుపెట్టింది ఈ కొత్త జంట.
ఈ ఫొటోలను షేర్ చేసిన అదితి.. ‘‘నువ్వే నా సూర్యుడు.. నువ్వే నా చంద్రుడు.. అలాగే నువ్వే నా తారాలోకం. మిసెస్‌ అండ్‌ మిస్టర్‌ అదు సిద్ధు’’ అని క్యాప్షన్‌ జత చేసింది. ఇక సిద్ధార్థ్‌తో తన రిలేషన్‌ గురించి ఇటీవల ఓ ఇంటర్వ్యూలో మాట్లాడుతూ.. ‘మహా సముద్రం’ షూట్‌లో తమ మధ్య పరిచయం ఏర్పడిందని తెలిపింది కొంతకాలానికి అది స్నేహంగా మారిందని, తనకెంతో ఇష్టమైన ప్రదేశంలో సిద్ధార్థ్ తనకు ప్రపోజ్‌ చేశాడని చెప్పింది.
“హైదరాబాద్‌లో తన నానమ్మ ప్రారంభించిన స్కూల్ అంటే తనకెంతో ప్రత్యేకమని.. ఆ విషయం తెలుసుకున్న సిద్ధార్థ్ ఆ స్కూల్కు తనను తీసుకెళ్లమని అడిగాడు. ఈ ఏడాది మార్చిలో మేమిద్దం ఆ స్కూల్కు వెళ్లాం. అప్పుడు సడెన్గా సిద్ధు.. మోకాళ్లపై కూర్చొని.. అతను నాకు ప్రపోజ్‌ చేశాడు. ఆమె ఆశీస్సుల కోసమే తాను అక్కడ ప్రపోజ్‌ చేసినట్లు చెప్పాడు’’ అని అదితి తమ ప్రేమ ముచ్చట్లు చెప్పుకొచ్చింది.
View this post on Instagram
swarna boddula
Desk
