మెగా అభిమానులకి బ్యాడ్ న్యూస్.. ‘జరగండి’ పోస్ట్ పోన్

‘-By Nitya

మన ఈనాడు:మెగా పవర్ స్టార్ రామ్ చరణ్( RamCharan)- శంకర్( Shankar)కాంబినేషన్లో తెరకెక్కుతున్న చిత్రం ‘గేమ్ చేంజర్’. దీపావళి కానుకగా ఈ సినిమా నుంచి ‘జరగండి’ అనే ఫస్ట్ సింగిల్ ని విడుదల చేయనున్నట్లు ఇటీవలే మూవీ టీం ప్రకటించింది. ఇందుకు సంబంధించి పోస్టర్ ని కూడా విడుదల చేసింది. దీంతో మెగా అభిమానులు ఫుల్ ఖుషి అయ్యారు. అయితే కొన్ని అనివార్య కారణాలవల్ల ఆ సాంగ్ విడుదలను వాయిదా వేస్తున్నట్టు సోషల్ మీడియా వేదికగా చిత్ర బృందం వెల్లడించింది. ఈ సాంగ్ కి సంబంధించిన వర్క్ పూర్తి కాకపోవడంతో మేకర్స్ ఈ నిర్ణయం తీసుకున్నట్లు తెలిపింది.

అయితే, సోషల్ మీడియాలో ఈ పాటకి సంబంధించి ట్యూన్లు, లిరిక్స్ లీక్ అయ్యాయి. దీనిపై ట్రోల్స్ కూడా వచ్చాయి. ఈ నెగెటివిటీని పరిగణలోకి తీసుకున్న మూవీ టీం సింగర్ ని మార్చి ఈ పాటని రీ రికార్డింగ్ చేస్తున్నట్లు సోషల్ మీడియాలో చర్చ జరుగుతోంది. ఈ సినిమాకి తమన్( Thaman) మ్యూజిక్ అందిస్తున్నారు. కియారా అద్వానీ( Kiara Advani) కథానాయిక. ఇప్పటికే 60 శాతం షూటింగ్ పూర్తి చేసుకున్న ఈ సినిమాని వచ్చే ఏడాది దసరాకి విడుదల చేసేందుకు మేకర్స్ ప్లాన్ చేస్తున్నారు. రూ.450 కోట్ల బడ్జెట్ తో ఈ సినిమా తెరకెక్కుతోంది.