admin
‘మేం వదిలింది వైట్ హౌజు, కార్యాలయాన్నే కానీ.. పోరాటాన్ని కాదు.’.. అమెరికా అధ్యక్షుడి బాధ్యతల నుంచి వైదొలిగిన వెంటనే జో బైడెన్ చేసిన వ్యాఖ్యలు ఇవి. అమెరికాకు 47వ అధ్యక్షుడిగా డొనాల్డ్ ట్రంప్ (Donald Trump) ప్రమాణ స్వీకారం చేసే ముందు.. బైడెన్ దంపతులు సంప్రదాయం ప్రకారం ట్రంప్ దంపతులకు తేనీటి విందునిచ్చారు. ఈ సందర్భంగా బైడెన్ ‘వెల్కమ్ హోం’ అంటూ ట్రంప్నకు స్వాగతం పలికారు.
వదిలింది ఆఫీసు మాత్రమే
ఇక ట్రంప్ బాధ్యతల స్వీకరణ అనంతరం బైడెన్ కాలిఫోర్నియాకు పయనమవుతూ.. ‘మేము వీడింది కార్యాలయాన్నే కాని, పోరాటాన్ని కాదు. ఈరోజు ట్రంప్ స్పీచ్ విన్నాం.. మనం ఇంకా చేయాల్సింది చాలా ఉంది’ అని బైడెన్ పేర్కొన్నారు. అనంతరం బైడెన్ దంపతులు హెలికాఫ్టర్ ఎక్కి వెళ్లిపోయారు. అయితే తాను రాజకీయాల నుంచి వైదొలగనని, ప్రజా జీవితంలో కొనసాగుతానని బైడెన్ గతంలో స్పష్టం చేసిన విషయం తెలిసిందే.
చివరి క్షణంలో పవర్ యూజ్
ఇక అమెరికా అధ్యక్షుడిగా పదవీకాలం ముగిసే చిట్టచివరి క్షణాల్లో జో బైడెన్ తన అసాధారణ అధికారాలను వినియోగించారు. తన తోబుట్టువులకు, వారి జీవిత భాగస్వాములకు చట్టపరమైన రక్షణ కల్పించే ఉత్తర్వులు జారీ చేశారు. ట్రంప్ సర్కార్ ఎవరిపై అయితే ప్రతీకార చర్యలకు దిగే అవకాశం ఉందో వారందరికీ కూడా చట్టపరమైన రక్షణ కల్పిస్తూ బైడెన్ ఉత్తర్వులు జారీ చేయడం గమనార్హం.
Desk
swarna boddula
