తారక్ ట్రిపుల్ రోల్.. రన్​టైమ్ ట్రిమ్.. ‘దేవర’ లేటెస్ట్ అప్డేట్స్ ఇవే

ManaEnadu : గ్లోబల్ స్టార్, మ్యాన్ ఆఫ్ మాసెస్, యంగ్ టైగర్ ఎన్టీఆర్ (NTR) నటించిన లేటెస్ట్ మూవీ దేవర. మరో రెండ్రోజుల్లో ఈ సినిమా విడుదల కాబోతోంది. దర్శకుడు శివ కొరటాల (Koratala Shiva) తెరకెక్కించిన దేవర-పార్ట్-1 సెప్టెంబర్ 27వ తేదీ నుంచి థియేటర్లలో సందడి చేయనుంది. ఈ నేపథ్యంలో సోషల్ మీడియాలో ఇప్పుడు చర్చంతా దేవర గురించే నడుస్తోంది. ‘సముద్రం ఎరుపెక్కాలా’ అంటూ ఎన్టీఆర్ ఫ్యాన్స్ ఈ సినిమాను నెట్టింట ట్రెండ్ చేస్తున్నారు.

రన్ ట్రైమ్ ట్రిమ్

ఈ నేపథ్యంలో సోషల్ మీడియాలో ఈ సినిమాపై పలు అప్డేట్స్ వైరల్ అవుతున్నాయి. అందులో ఒకటి దేవర (Devara Run Time) రన్ టైమ్ ట్రిమ్ గురించి. సెన్సార్ పనులను పూర్తి చేసుకున్న ఈ సినిమా యూ/ఏ సర్టిఫికెట్‌ పొందింది. అయితే ఈ చిత్ర నిడివిలో మార్పులు చోటు చేసుకున్నట్లు సమాచారం. దాదాపు ఎనిమిది నిమిషాలు ట్రిమ్ చేశారట. 170.58 నిమిషాల (2: 50 గంటలు) రన్‌ టైమ్‌తో ఈ సినిమా మరో రెండ్రోజుల్లో ప్రేక్షకుల ముందుకు రానుంది. అంతకుముందు 2 గంటల 57 నిమిషాల 58 సెకన్లు ఉంది.

దేవరలో ఎన్టీఆర్ ట్రిపుల్ రోల్!

ఇక ఈ సినిమా గురించి మరో అప్డేట్ బాగా వైరల్ అవుతోంది. దేవర (NTR Devara)లో ఎన్టీఆర్ డ్యూయెల్ రోల్ చేశారన్న సంగతి తెలిసిందే. ఇటీవల రిలీజ్ అయిన ట్రైలర్​లోనూ అది కనిపించింది. అయితే తారక్ ఇందులో ట్రిపుల్ రోల్ చేశారని కొత్త ప్రచారం షురూ అయింది. ఈ వార్తలపై దేవర సినిమాటోగ్రాఫర్ రత్నవేలు స్పందిస్తూ క్లారిటీ ఇచ్చారు. ఈ చిత్రంలో తారక్‌ చేసింది ట్రిపుల్ రోల్ కాదని ఆయన బల్లగుద్ది చెప్పేశారు.

తండ్రీకొడుకులా.. అన్నదమ్ములా?

ఈ మూవీపై సోషల్ మీడియాలో చాలా రకరకాల ఊహాగానాలు వస్తున్నాయని, ఇందులో ఎన్టీఆర్‌ ట్రిపుల్‌ రోల్‌ చేశారని వస్తున్న వార్తలు నిజం కాదని రత్నవేలు (Rathnavelu) తెలిపారు. ఆయన డ్యూయెల్ రోల్ మాత్రమే చేస్తున్నారని స్పష్టం చేశారు. అయితే ఆ ద్విపాత్రాభినయం తండ్రీకొడుకుల పాత్రలో నటిస్తున్నారా, అన్నదమ్ముల్లా నటించారా అన్న విషయాన్ని మాత్రం సినిమా చూసే తెలుసుకోవాలని చెప్పారు.