ఏపీ ప్రజలకు గుడ్ న్యూస్.. ‘ఫ్రీ గ్యాస్ సిలిండర్’కు బుకింగ్స్ ఎప్పటి నుంచంటే?

Mana Enadu : ఏపీ ఎన్నికల్లో కూటమి సూపర్ సిక్స్​(Super Six)లో ఇచ్చిన తొలి హామీ ఉచిత గ్యాస్ సిలెండర్ల పథకం. ఇక కూటమి సర్కార్ అధికారంలోకి వచ్చిన తర్వాత ఈ హామీలను ఒక్కొక్కటిగా అమలు చేసే పనిలో పడింది. ఇందులో భాగంగానే మొదటగా ఉచిత గ్యాస్ సిలిండర్ స్కీమ్(Free Gas Cylinder Scheme) ప్రారంభించాలని నిర్ణయించింది. దీపావళి పండుగకు కానుకగా మహిళలకు ఈ పథకం అమలు చేయనున్నట్లు ప్రకటించింది.

దీపావళి రోజే ప్రారంభం

ఈ నేపథ్యంలో అక్టోబర్ 31వ తేదీ నుంచి ఏడాదికి ఉచితంగా మూడు గ్యాస్ సిలెండర్లను ఇవ్వనున్నారు. ఏడాదికి రూ.2,684 కోట్ల ఖర్చుతో ఉచిత సిలిండర్ల పథకానికి సీఎం చంద్రబాబు నాయుడు (AP CM Chandrababu) మంగళవారం రోజున ఆమోదం తెలిపారు. చివాలయంలో ఈ అంశంపై పౌరసరఫరాల శాఖతో ఆయన సమీక్షించారు. ఈనెల 23న జరిగే కేబినెట్ సమావేశంలో ఈ పథకానికి ఆమోదముద్ర వేసి 31వ తేదీ నుంచి అమలు చేయనున్నట్లు వెల్లడించారు. కూటమి సర్కార్ మహిళా సంక్షేమానికి కట్టుబడి ఉందని.. అందులో భాగంగానే దీపం పథకం అమల్లోకి తెస్తున్నామని చెప్పారు.

24 నుంచి గ్యాస్ బుకింగ్స్ షురూ

రాష్ట్రంలో ఎల్పీజి గ్యాస్ కనెక్షన్ కలిగి, అర్హత గల ప్రతి కుటుంబానికి ఏడాదికి మూడు ఉచిత గ్యాస్ సిలిండర్ల పథకాన్ని వర్తింప చేయనున్నారు. ఇందులో భాగంగా ప్రతి నాలుగు నెలల వ్యవధిలో ఎప్పుడైనా ఆయా లబ్దిదారు ఒక ఉచిత గ్యాస్ సిలిండర్ పొందొచ్చు. సిలిండర్ కోసం ఈ నెల 24వ తేదీ నుంచి బుకింగ్(Free Gas Cylinder Bookings) చేసుకునే విధంగా ప్రభుత్వం ఏర్పాట్లు చేస్తోంది. గ్యాస్ సిలిండర్ తీసుకున్న లబ్దిదారులకు రెండు రోజుల వ్యవధిలో వారి బ్యాంకు ఖాతాల్లో సబ్సిడీ జమ చేయనున్నారు.

మహిళల కోసమే దీపం పథకం

“మహిళలకు ఇంటి ఖర్చులు తగ్గించాలనే ఆలోచనతో ఉమ్మడి రాష్ట్రంలో దీపం పథకం(AP Deepam Scheme) తెచ్చాం. ఇప్పుడు మళ్లీ మూడు గ్యాస్ సిలిండర్ల ద్వారా వారికి ఎంతో మేలు జరుగుతుంది. వంట గ్యాస్ కోసం వెచ్చించే ఖర్చును గృహిణులు ఇతర అవసరాలకు వాడుకోవచ్చు. పేదల జీవన ప్రమాణాలు పెంచడంలో ఇలాంటి పథకాలు దోహదం చేస్తాయి.” అని ముఖ్యమంత్రి చంద్రబాబు నాయుడు అన్నారు.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *