Rains: వరుణుడు ఉప్పెనై.. వీధులు ఏరులై.. తెలుగు రాష్ట్రాల్లో దంచికొట్టిన వర్షం

తెలుగు రాష్ట్రాల్లో వానలు(Rains) దంచికొడుతున్నాయి. మరో ఐదు రోజులు రెండు రాష్ట్రాల్లో విస్తారంగా వర్షాలు(Heavy Rains) పడతాయని వాతావరణశాఖ(IMD) తెలిపింది. ఇదిలా ఉండగా నిన్న మధ్య తెలంగాణ(Telangana) జిల్లాలు వరుణుడి దెబ్బకు అతలాకుతలమయ్యాయి. శుక్రవారం మధ్యాహ్నం మూడు గంటల నుంచి ప్రారంభమైన వర్షం రాత్రి వరకు కురుస్తూనే ఉంది. ప్రధానంగా హైదరాబాద్‌(Hyderabad) పరిధిలో ఈ ఏడాదిలో రికార్డు స్థాయి వర్షపాతం నమోదైంది. రాష్ట్రంలోనే అత్యధికంగా సంగారెడ్డి జిల్లా పుల్కల్‌లో 12.9 సెంటీమీటర్లు కురిసింది. సికింద్రాబాద్‌ పరిధి మారేడుపల్లిలోని పికెట్‌ ప్రాంతంలో 11.5 సెం.మీ నమోదైంది. మేడ్చల్‌- మల్కాజిగిరి, హైదరాబాద్, రంగారెడ్డి, వికారాబాద్, జనగామ, పెద్దపల్లి, మెదక్, యాదాద్రి, సిద్దిపేట, నిర్మల్‌ తదితర జిల్లాల్లోని పలు ప్రాంతాల్లో భారీ వర్షాలు కురిశాయి.

Heavy rain in Hyderabad just as schools let out.

Drive extra carefully with kids on roads pic.twitter.com/RsB25ubd2k

— Naveena (@TheNaveena) July 18, 2025

వరదకు కుదేలైన జంట నగరాలు

రాష్ట్రంలోని వివిధ ప్రాంతాల్లో వాగులు, వంకలు, నాలాలు ఉప్పొంగాయి. ప్రధానంగా హైదరాబాద్, సికింద్రాబాద్‌ జంట నగరాల్లో కురిసిన వర్షానికి జనం విలవిల్లాడారు. హైదరాబాద్‌లో భారీ వర్షాలు కురుస్తున్న నేపథ్యంలో అప్రమత్తంగా ఉండాలని సీఎం రేవంత్‌రెడ్డి(CM Revanth Reddy) అధికారులను ఆదేశించారు. GHMC, HMDA, వాటర్‌ వర్క్స్, విద్యుత్, పోలీసు, SDRF, హైడ్రా బృందాలు, ఇతర విభాగాల అధికారులు సమన్వయంతో పని చేయాలని సూచించారు.

#Hyderabad #Gachibowli right now 🌧️🌧️🌪️🌪️#hyderabadtraffic #hyderabadrain #rains #hyderabadnews
Please avoid #Gachibowli route
Jagratha ra ayyaa🙏🙏🙏 pic.twitter.com/lCoLISHror

— Ravi Chandra (@RaviChandra098) July 18, 2025

ఏపీలోనూ విస్తారంగా వానలు

అటు ఏపీ(Andhra Pradesh)లోని పలు ప్రాంతాల్లో వచ్చే ఐదు రోజులు విస్తారంగా వర్షాలు కురిసే అవకాశముందని అమరావతి వాతావరణ కేంద్రం(APSDMA) తెలిపింది. పిడుగులతో కూడిన వర్షాలతోపాటు ఈదురు గాలులు వీచే అవకాశముందని, ప్రజలు అప్రమత్తంగా ఉండాలని పేర్కొంది. శ్రీకాకుళం, విజయనగరం, పార్వతీపురం మన్యం, NTR, గుంటూరు, బాపట్ల, పల్నాడు, శ్రీపొట్టి శ్రీరాములు నెల్లూరు, ప్రకాశం, కర్నూలు, నంద్యాల, అనంతపురం, శ్రీసత్యసాయి, YSR కడప, అన్నమయ్య, చిత్తూరు, తిరుపతి జిల్లాల్లో ఓ మోస్తరు నుంచి భారీ వర్షాలకు అవకాశం ఉందన్నారు.

Daily Weather Inference 19.07.2025

Widespread Heavy Rains Likely to continue Today in West Coast #Kerala & #Karntaka.Influence of UAC in Bay close to #NTN South #AP Widespread Moderate/Heavy Rains likely in Interior #Karnataka including #Bengaluru #Telangana Including #Hyderabad… pic.twitter.com/mr5jY5Ft4b

— MasRainman (@MasRainman) July 19, 2025