ఆ పాటలో తారక్ నటన అద్భుతం.. జక్కన్న ప్రశంసలు

దర్శకధీరుడు ఎస్ఎస్ రాజమౌళి (SS Rajamouli) తెరకెక్కించిన ‘ఆర్ఆర్ఆర్ (RRR)’ సినిమాలో మ్యాన్ ఆఫ్ మాసెస్ ఎన్టీఆర్ (NTR), గ్లోబల్ స్టార్ రామ్ చరణ్ (Ram Charan) నటించిన విషయం తెలిసిందే. ఈ సినిమా బ్లాక్ బస్టర్ హిట్ కొట్టడమే గాక ప్రపంచ సినీ వేదికపై భారతీయ చలనచిత్ర రంగం స్థాయిని ఇనుమడింపజేసింది. అలాగే అత్యంత ప్రతిష్ఠాత్మకమైన ఆస్కార్ అవార్డును దక్కించుకుంది. ఇక కలెక్షన్ల గురించి కొత్తగా చెప్పనక్కర్లేదు. బాక్సాఫీస్ వద్ద ఊచకోత కోసింది. ఇంతటి క్లాసిక్ హిట్ దక్కించుకున్న సినిమాలో జక్కన్న ప్రతి ఫేమ్ ను ఆచితూచి ఎంతో పకడ్బందీగా తెరకెక్కించాడు.

జపాన్‌లో ఆర్‌ఆర్‌ఆర్‌ డాక్యుమెంటరీ రిలీజ్

ఈ సినిమా తెర వెనక సంగతులతో ‘ఆర్‌ఆర్‌ఆర్‌: బిహైండ్‌ అండ్‌ బియాండ్‌’ (RRR: Behind& Beyond) డాక్యుమెంటరీ రూపొందించిన విషయం తెలిసింది. నెట్‌ఫ్లిక్స్‌లో విడుదలైన ఈ డాక్యుమెంటరీ ఇప్పటికే ఇండియాలో మంచి రెస్పాన్స్ దక్కించుకుంది. ఈ నేపథ్యంలో ఇప్పుడు జపాన్‌ ప్రేక్షకులను అలరించేందుకు సిద్ధమైంది. త్వరలోనే  జపాన్‌లో ‘ఆర్‌ఆర్‌ఆర్‌: బిహైండ్‌ అండ్‌ బియాండ్‌’ డాక్యుమెంటరీ (RRR Documentary Release in Japan) విడుదల కాన్న నేపథ్యంలో రాజమౌళి ఆ దేశానికి వెళ్లి ప్రచారం నిర్వహిస్తున్నారు. ఇందులో భాగంగా తాజాగా అక్కడి మీడియాతో మాట్లాడుతూ ఈ మూవీలోని ‘కొమురం భీముడో’ పాట గురించి ఆయన మాట్లాడారు.

ఆయన నటన అద్భుతం

‘‘ఆర్ఆర్ఆర్ సినిమాలోని కొమురం భీముడో (Komuram Bheemudho) లాంటి కష్టమైన పాటను షూట్ చేయడం నాకు చాలా ఈజీ అయిందంటే దానికి కారణం తారక్ (NTR). ఆయన గొప్ప యాక్టర్ అని అందరికీ తెలిసిందే. కానీ ఈ పాటలో ఎన్టీఆర్ నటన మరో స్థాయిలో ఉంటుంది. ఈ పాటలో తారక్ శరీరంలోని అణువణువు హావభావాలు పలికించింది. నేను జస్ట్ తారక్ ముఖంపై కెమెరా పెట్టి ఈ పాట ప్లే చేశాను అంతే. ఇక ఈ సాంగ్ ఎలా వచ్చిందో మీరు సినిమాలో చూశారు. తారక్‌ను ఎలా కట్టాలి, ఎలా వేలాడదీయాలో పక్కా ప్లాన్ తో కొరియోగ్రాఫర్ బాగా కొరియోగ్రఫీ చేశారు’’ అని రాజమౌళి (SS Rajamouli) తెలిపారు.