ఇంటర్ సప్లిమెంటరీ పరీక్షల షెడ్యూల్ ఇదే .. ఫీజు చెల్లింపునకు లాస్ట్ డేట్ ఎప్పుడంటే?

తెలంగాణలో ఇంటర్మీడియట్ సప్లిమెంటరీ పరీక్షల షెడ్యూల్‌(Supplementary Exam Schedule)ను ఇంటర్ బోర్డు(TG Inter Board) ప్రకటించింది. ఈ మేరకు మే 22వ తేదీ నుంచి 29వ తేదీ వరకూ రెండు షిఫ్టుల్లో ఉదయం, మధ్యాహ్నం పరీక్షలు నిర్వహించనున్నట్లు తెలిపింది. ఉదయం 9 గంటల నుంచి 12 గంటల వరకూ ఫస్టియర్, మధ్యాహ్నం 2.30 గంటల నుంచి సాయంత్రం 5.30 గంటల వరకూ సెకండియర్ పరీక్షలు జరగనున్నాయి. రెగ్యులర్ ఇంటర్‌తోపాటు ఒకేషనల్ కోర్సు(Vcational Cources)ల విద్యార్థులకు కూడా ఇదే టైమ్ టేబుల్(Time Table) వర్తించనుంది. అలాగే జూన్ 3 నుంచి 6వ తేదీ వరకూ రెండు సెషన్లలో ప్రాక్టికల్ పరీక్షలు(Practical Exams) నిర్వహించనున్నారు. అలాగే జూన్ 9,10వ తేదీల్లో ఫస్ట్, సెకండియర్ ఇంగ్లిష్ ప్రాక్టికల్స్ జరుగుతాయి. సప్లిమెంటరీ పరీక్షల ఫీజు చెల్లించేందుకు ఏప్రిల్ 30 తుది గడువు అని బోర్డు పేర్కొంది.

ఫెయిల్ అయిన బాధతో ఆరుగురి ఆత్మహత్య

కాగా ఇంటర్‌ పరీక్షల ఫలితాలు విడుద‌లను మంగళవారం డిప్యూటీ సీఎం మల్లు భట్టి విక్రమార్క(Bhatti Vikramarka) విడుదల చేసిన విషయం తెలిసిందే. ఫ‌స్టియ‌ర్ ప‌రీక్ష‌ల‌కు 4,88,430 మంది హాజ‌రు కాగా 3,22,191 మంది ఉత్తీర్ణ‌త సాధించారు. సెకండియ‌ర్ ప‌రీక్ష‌ల‌కు 5,08,582 మంది హాజ‌రు కాగా, 3,33,908 మంది ఉత్తీర్ణ‌త సాధించారు. కాగా ఫస్ట్, సెకండియర్ ఫలితాల్లో బాలికలే పైచేయి సాధించారు. కాగా ఒక్క మార్కు తేడాతో 1.85 లక్షల మంది ఫెయిల్ కావడం గమనార్హం. కాగా ఫలితాల్లో ఫెయిల్ కావడంతో ఆరుగురు ఆత్మహత్య చేసుకున్నారు.