ఏపీ ఎమ్మెల్సీ ఎన్నికలు.. ఓటేసిన చంద్రబాబు, లోకేశ్‌

తెలుగు రాష్ట్రాల్లో ఎమ్మెల్సీ ఎన్నికలు (MLC Elections 2025) ప్రశాంతంగా కొనసాగుతున్నాయి. ఉపాధ్యాయ, పట్టభద్రుల స్థానాలకు ఎన్నికలు జరుగుతున్నాయి. ఏపీ, తెలంగాణల్లో మూడు చొప్పున 6 స్థానాలకు ఉదయం 8 గంటలకు పోలింగ్ ప్రారంభమైంది. ఈ ఎన్నికల్లో ఏపీ సీఎం చంద్రబాబు నాయుడు (AP CM Chandrababu Naidu), మంత్రి నారా లోకేశ్‌ ఓటు హక్కును వినియోగించుకున్నారు. ఉమ్మడి కృష్ణా-గుంటూరు పట్టభద్రుల స్థానానికి ఉండవల్లిలోని ప్రాథమిక పాఠశాలలో ఏర్పాటు చేసిన పోలింగ్‌ కేంద్రంలో చంద్రబాబు, లోకేశ్ ఓటు వేశారు.

అందరూ ఓటు హక్కు వినియోగించుకోవాలి

అనంతరం చంద్రబాబు మీడియాతో మాట్లాడారు. ఓటు వేయడం ఓటర్ల బాధ్యత అని.. ప్రతి ఒక్కరూ ఓటు హక్కు (Chandrababu MLC Vote) వినియోగించుకోవాలని పిలుపునిచ్చారు. ప్రజాస్వామ్య దేశంలో ఓటు అనేది పెద్ద ఆయుధం అని పేర్కొన్నారు. అందరూ బాధ్యతతో ఓటు వేయాల్సిన అవసరం ఉందని.. ఓటు వేస్తేనే చైతన్యవంతమైన ప్రజాస్వామ్యానికి నాంది పలుకుతామని చెప్పారు.

తెలుగు రాష్ట్రాల్లో పోలింగ్

ఏపీలో ఉత్తరాంధ్ర ఉపాధ్యాయ, ఉభయగోదావరి, కృష్ణా-గుంటూరు పట్టభద్రుల నియోజకవర్గాలకు పోలింగ్ (AP MLC Polls 2025) ప్రశాంతంగా కొనసాగుతోంది. 16 జిల్లాల పరిధిలోని 1,062 కేంద్రాల్లో పోలింగ్‌ నిర్వహిస్తున్నారు. ఈ మూడు నియోజకవర్గాల పరిధిలో 70 మంది అభ్యర్థులు బరిలో నిలవగా.. 6,84,593 మంది ఓటర్లు ఓటు హక్కు వినియోగించుకుంటున్నారు. పోలింగ్‌ ముగిసే సమయానికి కేంద్రం లోపల క్యూలైన్లో ఉన్నవారందరికీ ఓటేసే అవకాశం కల్పించనున్నట్లు అధికారులు ఏర్పాట్లు చేశారు.

మార్చి 3న ఫలితాలు

మరోవైపు తెలంగాణలో (Telangana MLC Polls 2025) ఉమ్మడి మెదక్‌-నిజామాబాద్‌-ఆదిలాబాద్‌-కరీంనగర్‌ జిల్లాల పట్టభద్రుల నియోజకవర్గంతోపాటు ఉపాధ్యాయ నియోజకవర్గం, ఉమ్మడి వరంగల్‌-ఖమ్మం-నల్గొండ జిల్లాల ఉపాధ్యాయ నియోజకవర్గాలకు పోలింగ్ కొనసాగుతోంది. ఈ నియోజకవర్గాల్లో మొత్తం 90 మంది అభ్యర్థులు పోటీ పడుతున్నారు. మూడు స్థానాల్లో ఓటింగ్‌ కోసం 973 పోలింగ్‌ కేంద్రాల్లో పోలింగ్ కొనసాగుతోంది. రెండు తెలుగు రాష్ట్రాల్లో మార్చి 3వ తేదీన ఓట్ల లెక్కింపు చేపట్టనున్నారు.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *