admin
క్యాన్సర్ మహమ్మారితో అల్లాడిపోతున్నవారికి రష్యా (Russia) గుడ్ న్యూస్ చెప్పింది. క్యాన్సర్ నివారణకు వ్యాక్సిన్ (Cancer Vaccine) కనుగొన్నట్టు వెల్లడించింది. ఆ దేశ ఆరోగ్య శాఖ మంత్రి ఈ విషయాన్ని స్పష్టం చేశారు. ముందుగా జనవరి 2025 నుంచి ఆ దేశంలో ఉన్న బాధిత పౌరులకు ఉచితంగా ఇవ్వబోతున్నట్టు ప్రకటించింది. రేడియాలజీ మెడికల్ రీసెర్చ్ సెంటర్ జనరల్ డైరెక్టర్ ఆండ్రీ కప్రిన్ ఈ టీకా గురించి వెల్లడించినట్లు రష్యన్ ప్రభుత్వ యాజమాన్యంలోని వార్తా సంస్థ TASS తెలిపింది.
ఇప్పటివరకు సరైన వైద్యం లేక క్యాన్సర్ (Cancer ) కోరలు చాస్తోంది. అయితే ఈ వ్యాధి పనిపట్టేందుకు శాస్త్రీయంగా వ్యాక్సిన్ అభివృద్ధి సాధ్యమేనని శాస్త్రవేత్తలు వెల్లడిస్తున్నారు. ఈ నేపథ్యంలోనే వ్యాక్సిన్ కనుగొన్నట్లు రష్యా ప్రకటించింది. ఈ వ్యాక్సిన్ ఎలా పనిచేస్తుందో రష్యన్ నేషనల్ మెడికల్ రీసెర్చ్ రేడియోలాజికల్ సెంటర్, గమలేయా నేషనల్ రీసెర్చ్ సెంటర్తో సహా రష్యా ఆరోగ్య మంత్రిత్వ శాఖ వెల్లడించింది. అయితే ఈ వ్యాక్సిన్ ఏ క్యాన్సర్కు పనిచేస్తుంది? ఎంత ప్రభావవంతంగా ఉంటుంది? వ్యాక్సిన్ను ఏమని పిలుస్తారోని స్పష్టంగా చెప్పలేదు. రానున్న రోజుల్లో దీనిపై మరింత స్పష్టత వచ్చే అవకాశం ఉంది.
swarna boddula
Desk
